மதுரையில் இருந்து வடமேற்கு திசையில் 21 கிலோ மீட்டர் தொலைவில் அமையப்பெற்றுள்ளது அழகர் கோயில். கோட்டை போன்ற மதில் சுவர்களுக்கு மத்தியில் அமைந்துள்ளது. தூரத்தில் இருந்து பார்க்கையில், பசும் போர்வை போர்த்திக் கொண்டு, தலையை மட்டும் வெளிக்காட்டும் அந்த சிறிய கோபுரம் ரம்யமாய் இருக்கின்றது. மரம் மூடிய மலைகள் கம்பீரமாக தெரிவதில்லை. மாறாக மனதை கொள்ளைக் கொள்ளும் ஒரு சோலைவனம் போல் தோற்றமளிக்கின்றது. இந்த கோயிலும், சித்திரை திருவிழாவும், கள்ளழகர் உலாவும் உலகப் பிரசித்தம். கூடவே அழகர் கோயில் தோசையும்.