ஒரு ஊரில் ஒரு மகான் வாழ்ந்து வந்தார். மிக எளிமையாக வாழ்ந்து வந்த அவர் நேர்மையையும், உண்மையையும் வாழ்க்கையின் இரண்டு கண்கள் என்று போற்றி, அதையே போதித்தும் வந்தார். உலகத்தின் பல மூலைகளிலிருந்தும் அவரைப் பார்க்க மக்கள் வருவார்கள். அவரைத் தெய்வமாகவே பலரும் வணங்கினார்கள். அந்த நாட்டு அரசன் அந்த மகானை மிகவும் மதித்துப் போற்றி வந்தான். அவர் தன் அரண்மனையில் சில நாட்கள் தங்க வேண்டும் என்று விரும்பினான். அதனால், அவருடைய எளிமையான குடிசைக்குச் சென்று மிகவும் வேண்டி தன்னுடன் அழைத்து வந்தான். அவருக்காக அந்த அரண்மனையில் தனக்காக இருக்கும் தனி அறை ஒன்றை ஏற்பாடு செய்திருந்தான். அவருக்காக சிறப்பு உணவுகளைத் தயார் செய்வதற்காக ஒரு சமையல் கலை வல்லுநரையும் புதிதாக ஏற்பாடு செய்து இருந்தான்.