செட்டிநாடு வெள்ளை அப்பம்

செட்டிநாட்டு உணவுகளின் சிறப்புப் பற்றி சொல்லத் தேவையில்லை. உலகறிந்த விசயமது. இந்த வெள்ளை அப்பம் அதற்கு ஒரு சான்று.

தேவையானவை

பச்சரிசி - 4 கப்
உளுத்தம் பருப்பு - ஒரு கப்
பால் - கால் கப்
உப்பு - 2 தேக்கரண்டி
சோடா உப்பு - 3 சிட்டிகை
எண்ணெய் - சிறிது

செய்முறை

• அரிசியையும், உளுந்தினையும் சுமார் 3 மணி நேரம் ஊறவிடவும்.
• அதன் பிறகு நீரை வடித்து, இரண்டையும் சேர்த்து மாவாய் அரைத்துக் கொள்ளவும். மாவு கொஞ்சம் கெட்டியாக இருக்கவேண்டும்.
• இத்துடன் பால், சோடா உப்பு மற்றும் உப்பு சேர்த்து தோசை மாவு பதத்திற்கு நன்கு கலக்கிக் கொள்ளவும்.
• ஆப்பச்சட்டியை அடுப்பில் வைத்து, கால் சட்டி அளவிற்கு எண்ணெய் ஊற்றி, சூடேறியதும் ஒரு கரண்டி மாவு எடுத்து அப்பமாக ஊற்றவும்.
• அப்பம் எண்ணெய்யில் மிதக்க ஆரம்பித்ததும் திருப்பிப் போட்டு வெள்ளையாக இருக்கும் போதே எடுத்து விடவும்.
• எண்ணெய் அதிகமாக இருப்பின், எண்ணெய் உறிஞ்சும் காகிதம் கொண்டு அழுத்தி எடுத்துவிடவும்.
• இதற்கு தக்காளிச் சட்னி சுவையான இணை.
• அப்பத்தை ஒவ்வொன்றாக ஊற்றி சுட்டு எடுக்கவும்.
• மாவு கொஞ்சம் கெட்டியாக வைத்து ஒரு அப்பம் முதலில் சுட்டு பார்த்துக் கொள்ளவும். தேவையெனில் பிறகு சிறிது நீர் சேர்த்துக் கரைத்துக் கொள்ளலாம்.