கறிவேப்பிலைப் பொடி

கறிவேப்பிலை துவையல் அரைக்க, நேரம் அல்லது வசதி இல்லாதவர்கள் இந்த பொடியினை செய்து வைத்துக் கொண்டு, தேவைப்படும்போது பயன்படுத்திக் கொள்ளலாம். கறிவேப்பிலையில் கால்சியமும், கரோட்டீனும் செறிந்துள்ளது.

தேவையானவை

கறிவேப்பிலை - 50 கிராம்
உளுத்தம்பருப்பு - 20 கிராம்
மிளகாய் வற்றல் - 10
எண்ணெய் - சிறிதளவு

செய்முறை

• வாணலியில் சிறிது எண்ணெய் விட்டு உளுத்தம்பருப்பு, மிளகாய் இவற்றினை தனித்தனியாக வறுத்து எடுத்துக்கொள்ளவும்.
• பிறகு சிறிது எண்ணெய் விட்டு கறிவேப்பிலையை நன்றாக மொறு மொறுவென்று வறுத்து எடுத்து ஒரு தட்டில் கொட்டி ஆற விடவும்.
• மிக்ஸியில் முதலில் மிளகாய் வற்றல், உளுத்தம்பருப்பு இரண்டையும் இட்டு நன்கு அரைத்துக்கொள்ளவும்.
• அதன்பிறகு அதனுடன் வறுத்த கறிவேப்பிலையைச் சேர்த்து பொடி செய்யவும்.
• விருப்பம் உள்ளவர்கள் சிறிதளவு உப்பும், பெருங்காயப் பொடியும் சேர்த்து அரைத்துக்கொள்ளலாம்.
• சூடான சாதத்திற்கு பொடியுடன் நல்லெண்ணெய்விட்டு சாப்பிட மிகவும் ருசியாய் இருக்கும்.