அல்கா பணியாரம்

உளுந்தில் செய்யக்கூடிய எளிதான பலகாரம். ருசியும் மிகுதியானதுதான்.

தேவையானப் பொருட்கள்

உளுந்து - கால் கிலோ (தோலுடன்)
சர்க்கரை - 400 கிராம்
தேங்காய் பால் - 2 கப் (கெட்டியாக)
ஏலக்காய் - 3
சுத்திகரிக்கப்பட்ட எண்ணெய் - அரை லிட்டர்
உப்பு - தேவையான அளவு

செய்முறை

• உளுந்தை ஐந்து மணி நேரம் ஊற வைத்து, தோல் போக நன்கு கழுவி எடுத்துக் கொள்ளவும்.
• கழுவிய உளுந்தை கிரைண்டரில் இட்டு வடைக்கு அரைப்பதைப் போல் தண்ணீர் சேர்க்காமல் கெட்டியாகவும், மிருதுவாகவும் அரைத்துக் கொள்ளவும்.
• அரைத்து எடுத்த மாவில் தேவையான அளவு உப்பு சேர்த்துக் கொள்ளவும்.
• தேங்காய் பாலில் சீனியைக் கொட்டி, ஏலத்தைப் பொடி செய்து போட்டு நன்கு கரைத்து வைக்கவும்.
• பிறகு ஒரு வாணலியில் எண்ணெய் விட்டு, காய்ந்ததும் மாவினை உருண்டையாகப் போட்டு பொரித்து எடுக்கவும்.
• அதிகம் சிவக்கக் கூடாது. தீயை மிதமாக வைத்துக் கொள்ளவும்.
• பொரித்ததை தேங்காய்ப்பாலில் போட்டு ஊற வைத்து சாப்பிடவும்.