உப்பு கறி

ஆட்டுக்கறியில செய்யுற அயிட்டம் ஒண்ணு கூட இதுவரைக்கும் போடலைன்னு ஒரு குறை இருந்துச்சு. அதுக்காகவே இந்த உப்புக்கறி. ரொம்ப ஈஸியா செய்யக்கூடிய ஐட்டம். குறிப்பா பேச்சுலர்ஸ் க்கு ரொம்ப வசதியான சைடு டிஷ்.

தேவையானப் பொருட்கள்

எலும்பு நீக்கிய ஆட்டுக்கறி - கால் கிலோ
சின்ன வெங்காயம் - 100 கிராம்
பூண்டு - 50 கிராம்
மிளகாய் வற்றல் - 8
சீரகம் - கால் தேக்கரண்டி
பட்டை - 2 சிறியத் துண்டுகள்
சமையல் எண்ணெய் - 2 மேசைக்கரண்டி
கறிவேப்பிலை - சிறிது
உப்பு - தேவையான அளவு

செய்முறை

• எலும்பு நீக்கிய ஆட்டுக் கறியை எடுத்துக் கொண்டு சிறு சிறு துண்டுகளாக நறுக்கி அலசி வைத்துக் கொள்ளவும்.
• வெங்காயம், பூண்டினை உரித்து வைத்துக் கொள்ளவும்.
  
• ஒரு சிறிய குக்கரை அடுப்பில் வைத்து அரைக்கரண்டி எண்ணெய் ஊற்றி காய்ந்த மிளகாய்களை உடைத்துப் போட்டு வதக்கவும்.
• மிளகாய் வதங்கியபின் உரித்து வைத்துள்ள வெங்காயம் பூண்டினைப் போட்டு இரண்டு நிமிடம் வதக்கவும்.
• பிறகு அதில் அலசி வைத்துள்ள கறியைக் கொட்டி ஒரு நிமிடம் வதக்கவும்.
• வதக்கியப்பின் ஒரு டம்ளர் தண்ணீர் ஊற்றி ஐந்து விசில் வரும் வரை குக்கரை மூடி வைத்து வேகவிடவும்.
• பிறகு குக்கரை இறக்கி வைத்து நீராவி வெளியேற விடவும். ஒரு வாணலியில் மீதமுள்ள எண்ணெய்யை ஊற்றி சீரகம் தாளித்து அதனுடன் பட்டையையும், கறிவேப்பிலையையும் போட்டு தாளிக்கவும்.
• இதனுடன் குக்கரில் வைத்துள்ள கறியையும் கொட்டி வேகவிடவும். தேவையான அளவு உப்பு சேர்த்துக் கொள்ளவும்.
• தண்ணீர் வற்றி எண்ணெய் வெளிவரும் வரை கிளறவும். பிறகு கொத்தமல்லித் தழைத் தூவி இறக்கவும்.