சாபுதானா வடை

அதுதாங்க.. ஜவ்வரிசி வடை. பண்டிகைன்னாலே எப்ப பார்த்தாலும் மெது வடைதானா? ஒரு மாறுதலுக்கு இதை செஞ்சு பாருங்களேன்.

தேவையானப் பொருட்கள்

சாபுதானா (சிறிய ஜவ்வரிசி) - கால் கிலோ
நிலக்கடலை (வறுத்து தோல் நீக்கியது) - 100 கிராம்
பச்சை மிளகாய் - 2
இஞ்சி - அரை அங்குலத் துண்டு
எண்ணெய் - கால் கிலோ
உப்பு - தேவையான அளவு

செய்முறை

• ஜவ்வரிசியைக் களைந்து அது முழ்கும் அளவிற்கு நீர் விட்டு சுமார் 4 மணி நேரம் ஊறவிடவும்.
• நிலக்கடலையை மிக்ஸியில் போட்டு அரைக்கும் போது இஞ்சியைத் துண்டுகளாக நறுக்கி சேர்த்துக் கொள்ளவும். பச்சை மிளகாய்களையும் நறுக்கிப் போட்டு அரைத்தெடுக்கவும்.
• அரைத்த விழுதுடன் ஊறிய ஜவ்வரிசியை சேர்த்து, தேவையான உப்பும் சேர்த்து நன்கு பிசைந்து கொள்ளவும்.
• பிசைந்த மாவினை உருட்டி, வடைகளாகத் தட்டி, வாணலியில் சூடான எண்ணெய்யில் போட்டுப் பொன்னிறமாக பொரித்து எடுக்கவும்.