கோஸ் புகாத்

தேவையானவை

முட்டைகோஸ் - கால் கிலோ
பச்சைமிளகாய் - 5
வெங்காயம் - 2 பெரியது
கடுகு - அரைத்தேக்கரண்டி
உளுத்தம்பருப்பு - அரைத்தேக்கரண்டி
மஞ்சள் தூள் - கால் தேக்கரண்டி
மைதா மாவு - கால் கிலோ
டால்டா - 50 கிராம்
எண்ணெய் - அரை லிட்டர்
சோடா உப்பு - ஒரு சிட்டிகை
உப்பு - ஒரு மேசைக்கரண்டி

செய்முறை

• முட்டைகோஸைக் கழுவி பொடியாக நறுக்கி கொள்ளவும்.
• அடுப்பில் வாணலியை வைத்து எண்ணெய் ஊற்றி கடுகை போட்டு கடுகு வெடித்தவுடன் கறிவேப்பிலை போட்டு அதனுடன் நறுக்கிய வெங்காயம், பச்சைமிளகாய் போட்டு அரை நிமிடம் நன்றாக வதக்கவும்.
• அதனுடன் நறுக்கிய கோஸை சேர்த்து அரை டம்ளர் தண்ணீர் சேர்த்து வேக வைத்து இறக்கி விட வேண்டும்.
• இதனுடன் உப்பும் மஞ்சள் தூளும் சேர்த்து கொள்ள வேண்டும்.
• பின்பு மைதாவை சலித்து உப்பு, டால்டா, சமையல் சோடா எல்லாம் சேர்த்து கெட்டியாக பிசைந்து சப்பாத்தி பலகையில் சிறு சிறு உருண்டைகளாக வைத்து வட்டமாக தேய்த்து அதில் வெந்த கோஸை ஒரு கரண்டி வைத்து இரண்டாக மடிக்க வேண்டும்.
• வாணலியில் எண்ணெய் ஊற்றி, காய்ந்தவுடன் அதில் போட்டு பொன்னிறமாக வெந்தவுடன் எடுக்க வேண்டும்.