புறாக் குஞ்சு ரோஸ்ட்

சமையல் போட்டியில் எல்லோர் கவனத்தையும் ஈர்த்த பதார்த்தம் இது. புகைப்படம் எடுப்பதற்குள் காணாமல் போய்விட்டது. மிஞ்சியது சில எலும்பு துண்டுகள் மட்டும்தான். [என்னதான் இருந்தாலும் ஒரு சமையல் போட்டிக்காக இரண்டு சமாதானப் பறவைகளை சம்ஹாரம் பண்ணியது ரொம்ப பாவம்ங்க] கொ.பா.தி.போ.

தேவையானப் பொருட்கள்

புறாக் குஞ்சு - 2
மஞ்சள் தூள் - அரை தேக்கரண்டி
மிளகாய் வற்றல் - 5
பூண்டு - 3 பல்
தேங்காய் - ஒரு மூடி
சீரகம் - ஒரு தேக்கரண்டி
மிளகு - 5
பட்டை - ஒரு துண்டு
இஞ்சி - சிறுதுண்டு
பெரிய சீரகம் - ஒரு தேக்கரண்டி
எலுமிச்சைபழம் - அரை பழம்
எண்ணெய் - 2 மேசைக்கரண்டி
வெண்ணெய் - 2 மேசைக்கரண்டி
வெங்காயம் - 50 கிராம்

செய்முறை

• இரண்டு புறாக்குஞ்சுகளை சுத்தம் செய்து வயிற்று பாகத்தில் கீறி, குடல் மற்றும் தேவையில்லாத பாகங்களை எடுத்துவிட்டு முழு புறாவாக வைத்துக் கொள்ளவும்.
• மிளகாய் வற்றல், சீரகம், மிளகு பெருஞ்சீரகம், பட்டை ஒரு துண்டு, இஞ்சி சிறிது துண்டு, பூண்டு, தேங்காய் சேர்த்து விழுதாக அரைக்கவும்.
• அரைத்த விழுது, உப்புத்தூள், மஞ்சள்தூள் சேர்த்த எலும்மிச்சை சாறு இவற்றில் புறாவினை தோய்த்து, நன்கு பிரட்டி சிறிது நேரம் ஊற விடவும்.
• வாணலியில் வெண்ணெய், எண்ணெய் இரண்டையும் சேர்த்து ஊற்றி வெங்காயம் வெட்டிப் போட்டு கறியையும் சேர்த்து வதக்கவும்.
• சற்று வதங்கியவுடன் சிறிது தண்ணீர் ஊற்றி, மூடி வைத்து வேகவிடவும்.
• சிறிது நேரம் வேக வைத்து பின் 100 மில்லி கெட்டியான தேங்காய் பால் ஊற்றி சீறு தீயில் வேக வைக்கவும்.
• கறி நன்றாக வெந்து சிவந்த நிறமாக எண்ணெய் தெளிந்து புரட்டினாற் போல் வந்ததும் இறக்கி வைக்கவும்.