அங்கீகாரம்

தமிழக அரசின் அங்கீகாரம் பெற்றுள்ள இக்கல்லூரியில், Food Production, Food and Beverage Service, House Keeping, Front Office ஆகிய ஒரு வருட டிப்ளமோ பயிற்சிகள் அளிக்கப்படுகின்றன. இதனைத் தவிர Diploma in Catering and Hotel Management என்ற மூன்று வருட டிப்ளமோ பயிற்சியும் அளிக்கப்படுகின்றது. பஞ்சாப் டெக்னிக்கல் யுனிவர்சிடியின் அங்கீகாரம் பெற்றிருப்பது கூடுதல் சிறப்பு. உணவுவிடுதி நிர்வாகத் துறையில் இளங்கலை, முதுகலை பட்டப் படிப்புகளுக்கான வகுப்புகளும் நடத்தப்பட்டு, பஞ்சாப் டெக்னிக்கல் யுனிவர்சிடியின் அங்கீகரிக்கப்பட்ட சான்றிதழ்கள் வழங்கப்படுகின்றன.

இக்கல்லூரியின் பணியினைப் பாராட்டி, கடந்த 2002-03 ஆம் ஆண்டு, ஜேசீஸ் சங்கம் கமல்பத்ரா விருதினை வழங்கி கௌரவித்துள்ளது. நாகை கல்வி மாவட்ட அளவில் கடந்த 3 ஆண்டுகளாக தமிழக அரசு தாட்கோ நிறுவனம் மூலம் அதிக மாணவர்களை இக்கல்லூரிக்கு அனுப்பியுள்ளது. கடந்த ஆண்டு இங்கு பயிற்சி பெற்று சென்ற அனைத்து மாணவர்களும், வெளிநாடு மற்றும் உள்நாடுகளில் வேலை வாய்ப்பு பெற்றுள்ளனர். இந்த ஆண்டு முதல் பயிற்சிக்கும், வேலை வாய்ப்பிற்கும் ஒரு இங்கிலாந்து நிறுவனத்துடன் ஒப்பந்தம் செய்துள்ளனர்.

தண்டபாணி கல்வி மற்றும் தர்ம அறக்கட்டளை சார்பாக இக்கல்லூரி இயங்கி வருகின்றது. கல்லூரியின் தாளாளராக திரு. சுவாமிநாதன் அவர்களும், இயக்குனராக திரு. ஆனந்தன் அவர்களும், கல்லூரி முதல்வராக திரு. மகேஸ்வரன் அவர்களும் பொறுப்பேற்று, கல்லூரியை சிறந்த முறையில் நடத்தி வருகின்றனர். இக்கல்லூரியின் கௌரவ ஆலோசகராக தமிழ்நாடு ஓட்டல் சங்கத் துணைத்தலைவர் திரு. பி.என். குப்புசாமி அவர்களும், ஆலோசகராக ரோட்டரி 2980ன் முன்னாள் மாவட்ட ஆளுனர் திரு. கோவிந்தராஜூ அவர்களும் உள்ளனர்.

சர் ஐசக் நியூட்டன் கேட்டரிங் கல்லூரி
1298, பப்ளிக் ஆபிஸ் ரோடு,
காடம்பாடி
நாகப்பட்டினம் - 611 001
தொலைபேசி: 04365-248595
செல்பேசி: 9842465111