Arusuvai - மக்ரூன்னி

சிறப்பு பக்கங்கள்

மக்ரூன்னி

மக்ரூன்னி கால் கிலோ

சிக்கன் 250 கிராம்

பெரிய வெங்காயம் 2

தக்காளி 2

கடலைப்பருப்பு ஒரு மேசைக்கரண்டி

இஞ்சி அரை துண்டு

பூண்டு 8 (உரித்தது)

கிராம்பு 2

பட்டை ஒன்று

சிக்கன் மசால் பவுடர் 3 தேக்கரண்டி

மிளகாய் தூள் ஒரு தேக்கரண்டி

உப்பு தேவையான அளவு

கறிவேப்பிலை ஒரு கொத்து

கொத்தமல்லி தழை ஒரு கொத்து

மஞ்சள் தூள் ஒரு தேக்கரண்டி

கடுகு ஒரு தேக்கரண்டி

உளுத்தம் பருப்பு ஒரு தேக்கரண்டி

முதலில் மக்ரூன்னியை சாதம் வடிப்பது போல உலை வைத்து தண்ணீர் கொதித்தவுடன் மக்ருன்னியைப் போட்டு இரண்டு அல்லது மூன்று தேக்கரண்டி அளவிற்கு உப்புப் போட்டு கால் மணிநேரம் வேகவைத்து வடித்து எடுத்துக் கொள்ளவும்.
இஞ்சி, பூண்டு, கிராம்பு, பட்டை ஆகியவற்றை சேர்த்து அரைத்துக் கொள்ளவும்.
பிறகு வாணலியை அடுப்பில் வைத்து ஒரு மேசைக்கரண்டி எண்ணெய் விட்டு காய்ந்தவுடன் கடுகு, உளுந்து மற்றும் கறிவேப்பிலை போட்டுக் கொள்ளவும்.
கறிவேப்பிலை பொன்னிறமாக ஆனபின் கடலைப்பருப்பு, வெங்காயம், தக்காளி அனைத்தையும் போட்டு நன்றாக வதக்கிக் கொள்ளவும்.
அதனுடன் அரைத்த இஞ்சி, பூண்டு, மற்றும் கிராம்பு, பட்டையை சேர்த்துக் கொள்ளவும்.
இது அனைத்தும் பொன்னிறமாக வதக்கிய பின் அதில் சிக்கனைப் போட்டு மற்றும் ஒரு டம்ளர் தண்ணீர் ஊற்றி, சிக்கன் மசாலா பவுடர், மிளகாய் தூள், மஞ்சள் தூள் ஆகியவற்றை போட்டு கால் மணிநேரம் வேக வைக்கவும்.
தண்ணீர் சுண்டி சிக்கன் நன்கு வேகும் வரை வேக வைக்கவும். தண்ணீர் சுண்டியவுடன் வேக வைத்த மக்ரூன்னியைப் போட்டு சிறிது உப்பு போட்டு நன்றாக கிளறவும். 5 நிமிடம் அடுப்பில் வைத்து இறக்கவும்.

கால அளவு	45 நிமிடங்கள்
பரிமாறும் அளவு	5 நபர்களுக்கு
வழங்கியவர்	இ.நர்கிஸ் பானு, நாகூர்.



அச்சிடுவதற்கு ஏற்றப் பக்கம்

கூட்டு பொரியல் வறுவல் வகைகள்

சூப் வகைகள்

பொடி வகைகள்

ஊறுகாய் வகைகள்

வற்றல் வடகம் அப்பள வகைகள்

கேக் பிஸ்கட் வகைகள்

ஐஸ்கிரீம் பழரசம் பான வகைகள்

சிறப்பு உணவு வகைகள்

சிறப்புப் பக்கங்கள்

உணவுப் பொருட்கள்

உணவும் உடல் ஆரோக்கியமும்

முதல்பக்கம் | எங்களைப்பற்றி | தொடர்புக்கு | நன்றி