Arusuvai - காபி

சிறப்பு பக்கங்கள்

காபி

பால் ஒரு லிட்டர்

காபிப்பொடி 50 கிராம்

சர்க்கரை 50 கிராம்

ஒரு பாத்திரத்தில் நூறு மில்லி தண்ணீர் விட்டு அடுப்பில் வைத்து கொதிக்க விடவும்.
பாலை ஒரு பாத்திரத்தில் விட்டு அடுப்பில் வைத்துக் கொதிக்க வைத்து, பால் பொங்கி வந்ததும் இறக்கிவிடவும்.
காபி பில்டர் இருக்குமாயின் அதன் மேல் பாகத்தில் காபிபொடியைப் போட்டு அதில் கொதிக்கும் தண்ணீரை ஊற்றி சிறிது நேரம் அப்படியே விட்டு விடவும்.
சிறிது நேரம் சென்றபின்பு டிகாஷன் இறங்கியிருக்கும். அதனை கொதித்த பாலில் இட்டு, சர்க்கரைச் சேர்த்துக் கலக்கி அருந்தவும்.
பில்டர் இல்லாவிட்டால் ஒரு பாத்திரத்தில் காபிபொடியைப் போட்டு அதில் கொதிக்கும் நீரை விட்டு சிறிது நேரத்தில் ஒரு துணி கொண்டு டிகாஷனை வடிகட்டி எடுத்துக் கொள்ளவும்.
பாலில் டிகாஷனை விட்டு சர்க்கரையைப் போட்டுக் கலக்கினால் சுவையான காபி தயார்.
உடனடி காபி பொடியாக(instant coffee powder) இருக்குமாயின், டிகாக்ஷனை தயாரிக்காமல், நேரிடையாகவே, நீர் கலந்து கொதித்த பாலில் பொடியையும், சர்க்கரையையும் கலந்து காபி தயார் செய்யலாம்.