Arusuvai - மிளகு ரசம்

சிறப்பு பக்கங்கள்

மிளகு ரசம்

மிளகு ஒரு மேசைக்கரண்டி

சீரகம் ஒரு மேசைக்கரண்டி

துவரம் பருப்பு ஒரு மேசைக்கரண்டி

மல்லிவிதை ஒரு தேக்கரண்டி

மிளகாய் இரண்டு

புளி சிறு எலுமிச்சை அளவு

உப்பு ஒரு மேசைக்கரண்டி

கடுகு ஒரு தேக்கரண்டி

கறிவேப்பிலை சிறிது

ஒரு வாணலியில் சிறிது எண்ணெய் விட்டு மிளகு, சீரகம், துவரம் பருப்பு, மல்லி விதை, மிளகாய் ஆகியவற்றைப் போட்டு சிவக்க வறுத்து எடுத்துக் கொள்ளவும்.
அனைத்தையும் அம்மியில் வைத்து அரைத்து எடுத்துக் கொள்ளவும்.
புளியைக் கரைத்து எடுத்துக் கொண்டு அதனுடன் ஒரு மேசைக்கரண்டி உப்பு மற்றும் அரைத்தவற்றைச் சேர்த்து அடுப்பில் வைத்து கொதிக்க விடவும். தேவையான அளவு தண்ணீர் விட்டுக் கொள்ளவும்.
நன்றாக கொதி வந்தவுடன் கடுகு, பெருங்காயம் தாளித்துக் கொட்டி கறிவேப்பிலையைக் கிள்ளிப் போட்டு இறக்கவும்.