Arusuvai - சீடை

சிறப்பு பக்கங்கள்

சீடை

பச்சரிசி 400 கிராம்

உளுத்தம் பருப்பு 100 கிராம்

தேங்காய் ஒன்று

வெண்ணெய் ஒரு மேசைக்கரண்டி

எள் 2 தேக்கரண்டி

பெருங்காயம் பட்டாணி அளவு

சோடா உப்பு ஒரு சிட்டிகை

எண்ணெய் பொரிப்பதற்கு

உப்பு தேவையான அளவு

பச்சரிசியை நனைத்து எடுத்து நன்கு இடித்துக் கொள்ளவும். இடித்த மாவினை பொடிக்கண் சல்லடையில் நன்கு சலித்து கட்டிகள் இல்லாமல் எடுத்துக் கொள்ளவும்.
உளுத்தம் பருப்பினை சற்று சிவக்க வறுத்து எடுத்து அரைத்துக் கொள்ளவும்.
தேங்காயை துருவி எடுத்துக் கொள்ளவும். பெருங்காயம், உப்பினை சிறிது நீரில் கரைத்துக் கொள்ளவும்.
பிறகு இரண்டு மாவுகள், துருவிய தேங்காய், சோடா உப்பு, எள், வெண்ணெய் எல்லாவற்றையும் ஒன்றாய் சேர்த்து பெருங்காயம், உப்பு கரைத்த நீரை சிறிது சிறிதாக தெளித்து லேசாக பிசைந்து கொள்ளவும்.
மாவினை மிகவும் அழுத்திப் பிசையக் கூடாது. உருட்டும் பதத்திற்கு பிசைந்தால் போதுமானது.
வாணலியில் எண்ணெய் ஊற்றி காய்ந்தவுடன் மாவினை சிறு சிறு உருண்டைகளாக உருட்டிப் போட்டு, கொதிக்கும் சத்தம் நின்று சீடை சிவக்க வெந்தவுடன் எடுக்கவும்.
சீடைகளை உருண்டைகளாக உருட்டும் போது மிகவும் அழுத்தி உருட்டக் கூடாது. மாவினை சிறிது சிறிதாக கிள்ளி, விரல்களைக் கொண்டே லேசாக உருட்டிப் போடவும்.