Arusuvai - சோளச்சீவல் கோழி வறுவல்

சிறப்பு பக்கங்கள்

சோளச்சீவல் கோழி வறுவல்

கோழிக்கறி அரைக்கிலோ (எலும்பில்லாதது)

கடுகுத்தூள் ஒரு தேக்கரண்டி

பச்சை மிளகாய் 2

பூண்டு விழுது 2 மேசைக்கரண்டி

எலுமிச்சை சாறு 2 மேசைக்கரண்டி

கரம் மசாலாத்தூள் 2 தேக்கரண்டி

மிளகாய்த்தூள் 2 மேசைக்கரண்டி

உப்பு தேவையான அளவு

முட்டை 2

கார்ன் ப்ளேக்ஸ் அரை கப்

எண்ணெய் 4 மேசைக்கரண்டி

கோழி இறைச்சியினை நன்கு கழுவி சுத்தம் செய்து, ஒன்றரை அங்குலத் துண்டுகளாக நறுக்கிக் கொள்ளவும். பச்சை மிளகாய்களின் காம்புகளை நீக்கி, பொடியாக நறுக்கிக் கொள்ளவும்.
ஒரு பாத்திரத்தில் கடுகுத்தூள், நறுக்கின பச்சை மிளகாய், பூண்டு விழுது, எலுமிச்சை சாறு, கரம் மசாலாத்தூள், மிளகாய்த்தூள், தேவையான உப்பு ஆகியவற்றை மூன்று மேசைக்கரண்டி எண்ணெய் விட்டு நன்கு கலக்கிக் கொள்ளவும்.
இத்துடன் நறுக்கின கோழித்துண்டங்களைச் சேர்த்து நன்கு பிரட்டி, சுமார் ஒரு மணி நேரம் குளிர்சாதனப் பெட்டியில் வைத்து ஊறவிடவும்.
முட்டையை உடைத்து ஊற்றி, உப்பு சேர்த்துக் கொள்ளவும். கார்ன் ப்ளேக்ஸினை இலேசாக நசுக்கிக் கொள்ளவும். பொடியாகி விடக் கூடாது.
கோழித்துண்டங்களை முட்டையில் நனைத்து எடுத்து, கார்ன் ப்ளேக்ஸில் நன்கு பிரட்டி எடுக்கவும்.
பிறகு இத்துண்டங்களை 200 டிகிரி C க்கு சூடேற்றப்பட்ட ஓவனில் சுமார் 20 நிமிடங்கள் வைத்து, துண்டங்கள் நன்கு வெந்ததும் எடுக்கவும்.