Arusuvai - பச்சரிசி வடகம்

சிறப்பு பக்கங்கள்

பச்சரிசி வடகம்

பச்சரிசி ஒரு கிலோ

ஜவ்வரிசி 100 கிராம்

பச்சைமிளகாய் 100 கிராம்

எலுமிச்சம்பழம் 3

உப்பு தேவையான அளவு

அரிசியையும், ஜவ்வரிசியையும் சேர்த்து மிஷினில் கொடுத்து மாவாய் அரைத்துக் கொள்ளவும்.
பச்சைமிளகாயுடன் உப்பை சேர்த்து அம்மியில் வைத்து விழுதாக அரைத்துக் கொள்ளவும்.
எலுமிச்சம்பழங்களைப் பிழிந்து, விதைகளை நீக்கி சாற்றினை தனியே எடுத்து வைத்துக் கொள்ளவும்.
ஈயம் பூசிய ஒரு பாத்திரத்தில் இரண்டு லிட்டர் தண்ணீர் விட்டு அடுப்பில் வைத்து கொதிக்கவிடவும்.
தண்ணீர் நன்கு கொதித்தவுடன் அதில் மாவு மற்றும் மிளகாய் விழுதினைக் கொட்டி நன்கு விடாது கிளறவும்.
சிறிது நேரம் கழித்து இறக்கி அதில் எலுமிச்சை சாற்றினை ஊற்றி நன்கு கிளறி மூடி வைத்துவிடவும்.
பிறகு ஒரு தாம்பாளத்தில் எடுத்து ஆறவைத்து, கைகளால் நன்கு தேய்த்து பிசைந்து கட்டிகளில்லாமல் செய்துகொள்ளவும்.
ஒரு முறுக்கு அச்சில் மாவினை எடுத்துக் கொண்டு, ப்ளாஸ்டிக் பேப்பர் அல்லது சுத்தமான துணியை வெய்யிலில் விரித்து அதன்மீது விரும்பியவாறு பிழிந்து கொள்ளவும்.
இரண்டு அல்லது மூன்று நாட்கள் காயவைத்து எடுத்து ஒரு டின்னில் போட்டுப் பத்திரப்படுத்திக் கொள்ளவும்.