Arusuvai - பாகற்காய் வற்றல்

சிறப்பு பக்கங்கள்

பாகற்காய் வற்றல்

பாகற்காய் ஒரு கிலோ

தயிர் 2 கப்

உப்பு தேவையான அளவு

பிஞ்சாக இல்லாத மற்றும் பழுத்திராத பாகற்காய்களாகப் பார்த்து தேர்வு செய்து வில்லைகளாக நறுக்கிக் கொள்ளவும். பாகற்காய் விதைகளை நீக்க வேண்டாம்.
நறுக்கிய துண்டங்களை வெயிலில் நன்கு உலர்த்தி எடுத்துக் கொள்ளவும்.
பிறகு, துண்டங்களை வெந்நீரில் சிறிது நேரம் ஊறவிட்டு பிறகு மீண்டும் எடுத்து வெயிலில் உலர்த்தவும்.
உலர்த்தி எடுத்த பாகற்காய் துண்டங்களை நன்கு புளித்த தயிருடன் கலந்து, தேவையான உப்பையும் சேர்த்து ஊறவிடவும்.
இரவு முழுதும் ஊறவிட்டு, மறுநாள் வெய்யிலில் உலர விடவும்.
இரண்டு மூன்று நாட்களுக்கு இதேபோல் இரவில் தயிரில் ஊறவிட்டும், பகலில் உலரவிட்டும் எடுத்து பிறகு பத்திரப்படுத்தவும்.
இந்த வற்றலை எண்ணெய்யில் பொரித்தும் சாப்பிடலாம். குழம்பிலும் போடலாம்.