Arusuvai - பப்படம்

சிறப்பு பக்கங்கள்

பப்படம்

உளுத்தம்பருப்பு 2 கிலோ

அப்பளக்காரம் 125 கிராம்

சீரகம் 1 தேக்கரண்டி

பெருங்காயம் சிறிது

விளக்கெண்ணெய் 2 தேக்கரண்டி

அரிசிமாவு 100 கிராம்

உப்பு தேவையான அளவு

உளுந்தை வெயிலில் நன்றாகக் காயவைத்து தோல் நீக்கி மாவாக அரைத்துக் கொள்ளவும். அரைத்த மாவை நன்கு சலித்து எடுத்துக் கொள்ளவும்.
அப்பளக்காரத்தை சிறிதளவு தண்ணீர் விட்டு அரைத்துக் கொள்ளவும்.
அரைத்த அம்மியைக் கழுவி, அந்த நீரில் உப்பைக் கலந்து அப்பளக்காரத்தை அதில் போட்டுக் கலக்கித் தெளிய எடுத்துக் கொள்ளவும்.
பெருங்காயத்தை சிறிது நீர்விட்டுக் கரைத்து உளுத்தம் மாவில் ஊற்றி, சீரகத்தையும் சேர்த்து அப்பளக்காரத்தையும் ஊற்றிக் கெட்டியாக பிசைய வேண்டும்.
பிசைந்த மாவை அம்மியில் வைத்து விளக்கெண்ணெய் தடவி இடித்து மாவை சிறு சிறு உருண்டைகளாக உருட்டி அரிசிமாவில் தோய்த்து, அப்பளக் கட்டையினால் உருட்டி வட்ட வடிவமான அப்பளமாகச் செய்து கொள்ள வேண்டும்.
பின்னர் சுத்தமான துணியை அல்லது ப்ளாஸ்டிக் பேப்பரை நிழலில் பரப்பி அதன் மீது அப்பளங்களை காய விட்டு எடுத்து பத்திரப்படுத்திக் கொள்ளவும்.