Arusuvai - முந்திரிப் பருப்பு அல்வா

சிறப்பு பக்கங்கள்

முந்திரிப் பருப்பு அல்வா

முந்திரிப்பருப்பு கால் கிலோ

சர்க்கரை அரைக் கிலோ

நெய் கால் கிலோ

குங்குமப்பூ கால் தேக்கரண்டி

முந்திரிப்பருப்பினை கழுவிச் சுத்தம் செய்து கொண்டு அம்மியிலோ அல்லது மிக்ஸிலோ போட்டு மைபோல் அரைத்துக் கொள்ளவும். மிக்ஸியில் போடுவதாயின் உடைத்துப் போட்டு ஒன்று அல்லது இரண்டு தேக்கரண்டி பால் சேர்த்து அரைத்துக் கொள்ளவும்.
ஒரு வாயகன்ற பாத்திரத்தில் ஒரு 200 மி.லி தண்ணீர் எடுத்துக் கொண்டு அதில் சர்க்கரையைப் போட்டு கம்பிப் பதமாக வருமாறு பாகாய் காய்த்துக் கொள்ளவும்.
பாகு கெட்டியாய் வரும்போது அதில் அரைத்து வைத்துள்ள முந்திரி விழுதினைப் போட்டு கிளறவும்.
தீ மிதமாக, சீராக இருக்குமாறு பார்த்துக் கொள்ளவும். நெய்யினை சிறிது சிறிதாக ஊற்றி, பாத்திரத்தில் அடிப் பிடிக்காவண்ணம் தொடர்ந்து கிளறிக் கொண்டே இருக்கவும்.
கலவையானது நன்கு சுண்டி அல்வா பதத்திற்கு வரும்போது அதில் குங்குமப்பூவினைப் பொடித்துப் போட்டு கிளறி இறக்கவும்.
ஒரு தட்டில் நெய்யினை தடவி அதில் கொட்டிப் பரப்பி ஆறவிடவும். ஆறியபிறகு தேவையான அளவிற்கு துண்டுகளாக்கிக் கொள்ளவும்.

கால அளவு	30-45 நிமிடங்கள்
வழங்கியவர்	திருமதி. கரோலின் இம்மானுவேல், விரகாலூர்.



அச்சிடுவதற்கு ஏற்றப் பக்கம்

கூட்டு பொரியல் வறுவல் வகைகள்

சூப் வகைகள்

பொடி வகைகள்

ஊறுகாய் வகைகள்

வற்றல் வடகம் அப்பள வகைகள்

கேக் பிஸ்கட் வகைகள்

ஐஸ்கிரீம் பழரசம் பான வகைகள்

சிறப்பு உணவு வகைகள்

சிறப்புப் பக்கங்கள்

உணவுப் பொருட்கள்

உணவும் உடல் ஆரோக்கியமும்

முதல்பக்கம் | எங்களைப்பற்றி | தொடர்புக்கு | நன்றி