Arusuvai - இனிப்புச் சீடை

சிறப்பு பக்கங்கள்

இனிப்புச் சீடை

அரிசிமாவு இரண்டரை கப்

உளுந்து ஒரு கப்

வெண்ணெய் 2 தேக்கரண்டி

வெல்லம் ஒன்றரைக் கப்(நுணுக்கியது)

ஏலப்பொடி அரைத் தேக்கரண்டி

தேங்காய் அரை மூடி

எண்ணெய் பொரிப்பதற்கு

உளுந்தை வெறும் வாணலியில் லேசாக வறுத்து, பொடி செய்து சலித்து எடுத்துக் கொள்ளவும்.
அரிசி மாவு, உளுந்து மாவு, ஏலப்பொடி, வெண்ணெய் ஆகியவற்றை ஒன்றாய் சேர்த்து, கட்டியில்லாமல் கையால் கலந்து கொள்ளவும்.
தேங்காயைத் துருவிப் பால் எடுத்துக் கொள்ளவும். வெல்லத்தை தேங்காய் பாலுடன் சேர்த்து நன்கு கரைத்துக் கொள்ளவும்.
கரைசலை ஒரு வடிகட்டி கொண்டு வடிகட்டிக் கொள்ளவும்.
இந்த வெல்லம் கலந்த தேங்காய் பாலை சிறிது சிறிதாக மாவுடன் சேர்த்து பதமான சப்பாத்தி மாவுப் போல பிசையவும்.
பிறகு அவற்றை சிறு சிறு உருண்டைகளாக உருட்டி ஒரு துணியின் மீது பரப்பி வைத்து விடவும்.
ஒன்று அல்லது இரண்டு மணி நேரம் அப்படியே வைத்திருக்கவும்.
ஒரு வாணலியில் சீடை பொரிக்கும் அளவிற்கு எண்ணெய் விட்டு, சூடேறியதும் உருட்டி வைத்துள்ள சீடைகளை எடுத்துப் போட்டு பொரித்து எடுக்கவும்.