Arusuvai - வெற்றிலை மடி

சிறப்பு பக்கங்கள்

வெற்றிலை மடி

மைதா கால் கிலோ

சீனி கால் கிலோ

ஏலக்காய் 3

உப்பு தேவையானவை

சோடாப்பூ ஒரு சிட்டிகை

எண்ணெய் கால் லிட்டர்

கலர் பவுடர் சிறிது

மைதாமாவை சலித்து எடுக்கவும். எடுத்த மாவை ஒரு பாத்திரத்தில் கொட்டி தேவையான அளவு உப்பு மற்றும் ஒரு சிட்டிகை சோடாப்பூ ஆகியவற்றை கலந்து கெட்டியாக பிசைந்து கொள்ளவும்.
ஒரு வாணலியில் எண்ணெய்யை ஊற்றி வைக்கவும்.
மாவை உருண்டைகளாக உருட்டி கொண்டு சப்பாத்தி போடுவது போல் மெலிதாக போடவும்.
அவற்றை முக்கோணமாக மடித்து எண்ணெய்யில் பொரித்து எடுக்கவும்.
பிறகு பாத்திரத்தில் சீனியை கொட்டி ஒரு டம்ளர் தண்ணீரை ஊற்றவும்.
அதனை கம்பி பதம் வரும்வரை கிளறி அதனில் ஏலக்காய், கலர்பவுடரை சேர்க்கவும்.
பொரித்த வெற்றிலை மடிகளை ஜீராவில் நனைத்து எடுக்கவும். இப்பொழுது வெற்றிலை மடி தயார்.

சிறப்புப் பக்கங்கள்