about us

முற்றிலும் சமையல் குறித்த முதல் தமிழ் இணைய தளம்


இணையத்தில் யூனிகோடு எழுத்துருக்களின் பயன்பாடு தொடங்கி இருந்த காலக்கட்டம். சமையல் குறிப்புகள் ஆங்கிலத்தில் மட்டுமே கிடைக்கும் என்ற நிலையும் இருந்த காலம். தமிழில் சமையல் குறிப்புகளுக்கென்று தனியே ஒரு இணையதளம் இல்லாத காலக்கட்டத்தில், அந்தக் குறையினை போக்கும் வண்ணம், முற்றிலும் சமையல் குறிப்புகளுக்கான முதல் தமிழ் தளமாக அறுசுவை தொடங்கப்பட்டது. 2003 ல் வெள்ளோட்டம் தொடங்கி, 2004 ல் அதிகாரப்பூர்வமாக அறுசுவை டாட் காம் வெளியாகியது.

யூனிக்கோடு எழுத்துக்கள் அப்போதுதான் பிரபலமடையத் தொடங்கிய காலம் என்ற போதிலும், ப்ரவுசர் சப்போர்ட் எளிதாக இல்லாத நிலையிலும்கூட அறுசுவை வெகு விரைவிலேயே பிரபலமடையத் தொடங்கிற்று. யூனிக்கோடு பயன்பாடு அதிகரிக்க அதிகரிக்க, வருகையாளர்களின் எண்ணிக்கையும் அதிகமாயிற்று. எல்லா பாலினருக்கும் பொதுவான தளமாகத் தொடங்கப்பட்டாலும், காலப்போக்கில் பெண்கள் அதிகம் பார்வையிடும் தளமாக அறுசுவை உருமாறியது அதற்கு ஒரு தனித்துவத்தை கொடுத்தது.

about us

பெண்களுக்கான இணைய தளம்


சமையல் குறிப்புகளுக்காக மட்டும் என்ற நோக்கத்தில் தொடங்கப்பட்ட அறுசுவை தளமானது, அந்த வட்டத்தைக் கடந்து, கைவினை, கோலம், கதை, கவிதைகள், கட்டுரைகள் என்று பெண்கள் விரும்பக்கூடிய அனைத்து துறைகளையும் தன்னுள் அடக்கத் தொடங்கியது. அறுசுவை உறுப்பினர்களின் விருப்பம் அறிந்து, அவர்க திறன்களை வெளிக்காட்ட இங்கே வாய்ப்புகளும், வசதிகளும் உருவாக்கப்பட்டது. இதன்மூலம் ஒவ்வொருவருக்குள்ளும் இருக்கும் எழுத்துத் திறனையும், இதரத் திறன்களையும் வெளிக்காட்ட, நல்லதொரு வாசகர் வட்டத்தை உருவாக்கிக் கொள்ள அறுசுவை பெரிதும் உதவியாய் இருந்தது. தொடர்ந்து இருந்து வருகின்றது.

அறுசுவை வெறும் இணையதளம் அல்ல. இது ஒரு குடும்பம் என்றே பலராலும் அழைக்கப்படுகின்றது. அண்ணன், தங்கை, அக்கா, அம்மா என்று உறுப்பினர்கள் ஒருவரையொருவர் உறவு சொல்லி அழைத்துக் கொள்ளும் ஒரு அந்நியோன்யத்தை வேறு தளங்களில் பார்ப்பது கடினம். வேறு எந்த தளங்களிலும் இல்லாத அளவிற்கு பெண்கள் இங்கே பாதுக்காப்பை உணர்கின்றார்கள். பெண்களது தனியுரிமைக்கும் இங்கே முக்கியத்துவம் கொடுக்கப்படுகின்றது. அதன் பலனாக, ஆண்களைவிட பெண் வருகையாளர்களின் எண்ணிக்கை பலமடங்கு அதிகரிக்கின்றது. இன்றைக்கு இணையத்தில் பல்வேறு தளங்களில் பிரபலமாய் இருக்கும் பெண்கள் பலருக்கும் அறுசுவை தாய் தளமாக இருக்கின்றது.


எங்களைப் பற்றி..


அறுசுவையின் வளர்ச்சி என்பது ஒரு கூட்டு முயற்சிக்கு கிடைத்த வெற்றி. இதற்காக தங்களது நேரத்தையும், உழைப்பையும் அர்பணித்தவர்கள் ஏராளம். எங்களைப் பற்றி என்று குறிப்பிடும்போது முதலில் குறிப்பிடப்பட வேண்டியவர்கள் இவர்களே. அறுசுவையின் தூண்களாய் இருப்பவர்கள், அறுசுவையை இயக்கிக் கொண்டிருப்பவர்கள், அறுசுவையை வளர்த்துக் கொண்டிருப்பவர்கள் இவர்கள். முகம் காட்ட விரும்பாதோர் ஏராளம் இருந்தாலும், ஒரு சிலரது முகங்களை உலகிற்கு காட்டுவதில் பெருமிதம் கொள்கின்றோம்.




அறுசுவை டீம் என்று அறியப்படும் அறுசுவை நிர்வாகக் குழுவினர் மற்றும் அறுசுவை அட்மின்.




அறுசுவை நிர்வாகிகளைத் தொடர்பு கொள்ள Contact Us பக்கத்தினை பயன்படுத்தவும்.