வாழ்த்துவோம் வாருங்கள்!
500 ஐ நோக்கி வேகமாக முன்னேறிக் கொண்டிருக்கும் சகோதரிகள் செல்வி,ஜலிலா,சுபா ஆகியோருக்கு முதலில் என்னுடைய அட்வான்ஸ் வாழ்த்துக்கள்.
அவர்களின் இயல்பான பணிகளுக்கிடையில் இது ஒரு கடின உழைப்பு தான். பாராட்டப் பட வேண்டிய ஒன்று.
வயதில் மூத்தவன் குறிப்புகளில் இளையவன்(50 ஐ எட்டி பிடித்து விட்டேன். அது வேறு விசயம்) என்ற உரிமையில், அட்மினுக்கும், ஏனைய சகோதரிகளுக்கும் ஒரு வேண்டுகோள்.
500 ஐ தொடும் சகோதரிகளுக்கு அறுசுவை.காம் சார்பாக "அறுசுவை ராணி" எனும் பட்டத்தை வழங்கலாமே! இதற்காக தனியாக விழா எடுக்கலாம் அல்லது அறுசுவையின் ஆண்டு விழாவோடு சேர்த்து இதையும் கொண்டாடலாம். நினைவு பரிசு வழங்கலாம்.
அட்மினும் மற்ற சகோதரிகளும் தயவு செய்து இதை பற்றி சிந்தித்து தங்களின் கருத்துக்களை இந்த திரெட்டினில் பதிவு செய்யுமாறு கேட்டுக் கொள்கிறேன்.
முன்பு சில திரெட்டுகளில், குறிப்பாக அமெரிக்கா வில் விலையேற்றம் பற்றிய திரெட்டில், நம் நாட்டு மக்களை இழிவாக பேசிய புஷ் பற்றி உங்களின் கண்டன கணைகளை எதிர் பார்த்தேன். ஏமாற்றமே மிஞ்சியது. 2 சகோதரிகள் மட்டுமே பதிவு செய்தார்கள். அது நம் நாட்டு மான பிரச்னையாக இருந்தும் ஏனோ யாரும் கண்டு கொள்ளவில்லை..
அதை மாதிரி இதிலும் அலட்சியமாக இருந்து விடாமல் தங்கள் அனைவரின் கருத்துக்களையும் ஆலோசனைகளையும் தாருங்கள்.அட்மினுக்கும் வேண்டுகோள் வையுங்கள். கூட்டாஞ்சோற்றில் ஒன்று கூடி விழா எடுப்போம். அவர்களை கவுரவபடுத்துவது நமது கடமை.
இது பின் வந்து கொண்டிருக்கும் 300, 100 ஐ தொட்டவர்களுக்கு (மனோ,சரஸ்வதி,கதீஜா,ஜெயந்தி,தளி
கா,அஸ்மா,ஜுலைகா போன்றோர்களுக்கு) ஊக்கமாக அமையும்.
பி.கு; கடந்த காலங்களில் நான் கண்டது,கேட்டு அறிந்தது,படித்து தெரிந்தது இவைகளையெல்லாம் வீட்டில் அவ்வப்போது மனைவியின் ஒத்துழைப்புடன் செய்து பார்த்த பின்பு அறுசுவையில் 50 குறிப்புகள் தந்திருக்கிறேன். இன்னும் வளரும்.
ஒரு மின்னியல்(திட்டம்) பொறியாளருக்கு சம்பந்தமே இல்லாத துறை இது. இருந்தும் காலத்தின் கட்டாயத்தினால் சமையலை கண்டிப்பாக கற்றுத் தான் தீர வேண்டும் என்ற சூழ்நிலைக்கு ஒரு காலத்தில் தள்ளப் பட்டதின் விளைவு(அது ஒரு சோகக் கதை. அதை சொன்னால் நீண்டு கொண்டே போகும்) இன்று என் இல்லத்தரசிக்கும் சமையல் பாடம் எடுக்கும் அளவுக்கு முன்னேறி விட்டேன். அறுசுவையில் 50 குறிப்புகள் கொடுத்த ஆண் உறுப்பினர் நானாகத் தான் இருக்கிறேன் என்பதில் பெருமையடைகிறேன்.
கண்டிப்பாக அறுசுவை சகோதரிகள் அனைவரும் இங்கு பதிவு தர வேண்டுகிறேன்.
இறுதியாக 50.... 500ஐ வாழ்த்துகிறது.
நன்றி
குலசை சுல்தான்.
