வீட்டிலேயே அன்பளிப்புப் பைகள் செய்வது எப்படி?

தேதி: December 1, 2008

5
Average: 4.1 (8 votes)

இந்த அன்பளிப்பு பையினை செய்து காட்டியவர், அறுசுவையின் நீண்ட நாள் அங்கத்தினராகிய திருமதி. இமா அவர்கள். 24 வருடமாக ஆசிரிய பணியை சிறப்புடன் செய்து வருகிறார். உணவுகள் தயாரிப்பதில் இருக்கும் ஆர்வத்தைவிட அதை கலையுணர்வுடன் அழகுபடுத்தி பரிமாறுவதில்தான் மிகவும் ஆர்வம் என்று சொல்லும் இவர், கைவினைப் பொருட்கள் செய்வதிலும் மிகத் திறமை வாய்ந்தவர்.

 

A4 காகிதம் - ஒன்று
ரிப்பன் (30 செ.மீ) - 2
அட்டை (8 செ.மீ x 10 செ.மீ) - ஒன்று
பசை
ஸ்கேல்
கத்தரிக்கோல்
பென்சில்
துளையிடும் கருவி

 

பேப்பர் பை செய்ய தேவையான பொருட்கள் அனைத்தையும் தயாராக எடுத்து வைத்துக் கொள்ளவும்.
படத்தில் காட்டியுள்ளது போல் 3 மூன்று அளவுகளிலும் அட்டை துண்டுகள் வெட்டி எடுத்துக் கொள்ளவும்.
பேப்பரின் நீளமான பக்கத்தினை 2 செ.மீ அளவுக்கு மடித்துக் கொள்ளவும். இதுவே பையின் வாய்பக்கம்.
அகலமான பக்கத்தினை இரண்டையும் இணைத்து இரு பக்கங்களிலும் 2 செ.மீ அளவிற்கு ஒன்றன் மேல் ஒன்று வைத்து ஒட்டி விட்டு ஒரு முறை அழுத்தி விடவும்.
அட்டைகளை ஒட்டி மடித்த இடத்திலிருந்து 4 செ.மீ தள்ளி மீண்டும் ஒரு மடிப்பு செய்துக் கொள்ளவும். சிறியதாக வெட்டிய அட்டை துண்டுகளை வாய்பக்கம் உள்ள மடிப்பினுள் சொருகி ஒட்டி விடவும்.
படத்தில் காட்டியுள்ளது போல் பையை ஒரு முறை மடக்கிக் கொள்ளவும்
பையின் பின்புறம் 4 செ.மீ அளவு அளந்து மடித்துக் கொள்ளவும். பின்னர் இரு மூலைகளையும் மடித்து அழுத்தி விடவும்.
இந்த மடிப்புகளின் வழியே பையின் அடிப்புறத்தை ஒட்டிக் கொள்ளவும்.
மீதமுள்ள அட்டை துண்டை பையின் அடிப்புறம் வைத்து ஒட்டி விடவும்.
பையின் வாய்ப்புறத்தை துளையிடும் கருவியை வைத்து நேர் நேராக துளைகள் போட்டுக் கொள்ளவும்.
பிறகு அந்த துளையின் வழியாக ரிப்பன் துண்டுகளை நுழைத்து உட்புறமாக முடிச்சுகள் போட்டுக் கொள்ளவும்.
அவரவர் விருப்பத்திற்கு ஏற்றவாறு பைகளை அலங்கரித்துக் கொள்ளலாம். நேரம் கிடைக்கும் போது இதுப் போல் பைகள் செய்து மடித்து வைத்துக் கொண்டால் தேவையான போது எடுத்து அலங்கரித்து கொள்ளலாம். கைப்பழக்கம் வந்துவிட்டால் பிறகு எந்த அளவுக் கடதாசியிலும் பைகள் செய்யலாம்.

உறுப்பினரது அண்மைக் குறிப்புகள்

மேலும் சில கைவினைகள்


Comments

இமா... கலக்கிடீங்க.... சூப்பரூ....

துணிந்தவர் தோற்றதில்லை!!
தயங்கியவர் வென்றதில்லை!!

அன்புடன்,
வனிதா

சூப்பரோ சூப்பர். கண்டிப்ப நான் செய்தபிறகு பின்னுட்டம் அனுப்புகிறேன். மேலும் நிற்ய்ய க்ராப்ட் வொர்க்கள் அனுப்புங்க. நாங்களும் செய்து மகிழ்வோம். இது எல்லாருக்கும் ரொம்ப யூஸ்பூல்.நன்றி.

ஹலோ இமா மேடம்,
சூப்பராக, அழகாக இருக்கிறது. இப்படி இலகுவாக செய்யமுடியும் என்று எனக்கு தெரியாது. குறிப்பிற்கு மிகவும் நன்றி :-) (ஹொலிடே சீசன் என்பதால் இந்த் குறிப்பு மிகவும் உபயோகமானதாக இருக்கும்...)

அன்புடன்,
விசா

ஹாய் இமா,
அழகான அன்பளிப்புப்பை. பொருத்தமான நேரத்தில் விளக்கியுள்ளீர்கள். கிறிஸ்மஸ் பரிசு
வழங்குபவர்களுக்கு உபயோகமாக இருக்கும். வாழ்த்துக்கள்.நன்றி.
செபா.

A4 size paper ஒன்று போட்டிருக்கிங்க ஆனால் பை படம் பார்க்கும் போது 2 தேவைபடுகிறது என்று நினக்கிறேன். டவுட்டை டைம் கிடைக்கும் போது தெரிய படுத்தவும். நன்றி.

அன்பின் இமா, மிகவும் நன்றாக உள்ளது. ஸீஸனுக்கேற்ற வேலைப்பாடு. :) இன்னும் இன்னும் அனுப்புங்கோ. பாராட்டுக்கள்.
-நர்மதா :)

எனது குறிப்பினை வெளியிட்டமைக்காக அறுசுவையினருக்கு எனது மனமார்ந்த நன்றிகள்.
வனிதா,விஜி, விசா, செபா, நர்மதா, உங்கள் பாராட்டுக்களுக்கு நன்றி.
விஜி,
சிவப்பு, கருப்பு நிறப் பைகள் தவிர்ந்த ஏனைய அனைத்துமே A4 அளவுக் கடதாசியில் செய்தவைதான். புகைப்படத்தில் பெரிதாகத் தெரிகிறது.
விசா, செய்து பார்த்துவிட்டு மீண்டும் பின்னூட்டம் அனுப்புங்கள் .
எப்படி இருக்கிறீர்கள் நர்மதா? நிச்சயம் நேரம் கிடைக்கும் போது குறிப்புகள் அனுப்புகிறேன்.
செபா, ;-)
அன்புடன் இமா

‍- இமா க்றிஸ்

இமா நான் இதை கடையில் வாங்கி வந்து அடுக்கி வைப்பேன் தேவைப்படும் போது உபயோகிப்பதற்கு.
இப்போ 1 செய்து பாத்தனான்.சரியா வந்துட்டுது.சரியான சந்தோசம். இன்னும் செய்து வைக்க இருக்கிறேன்.மிக்க நன்றி.

சுரேஜினி

சுரேஜினி,
இந்தச் செய்முறை உங்களுக்கு உபயோகமாக இருந்தது பற்றி மகிழ்ச்சி. கைப்பழக்கம் வந்துவிட்டால் எந்த அளவுக் கடதாசியிலும் சுலபமாகச் செய்யலாம்.
பாரமான பொருட்களை வைப்பதற்கான பைகளுக்குத் தடித்த கடதாசியும், அட்டையும், மொத்தமான கயிறுகளும் பயன்படுத்தவேண்டும். அடிப்புறம் ஒட்டுவதையும் கவனமாக ஒட்டவேண்டும்.
இதனைச் செய்துபார்த்துக் கருத்துச் சொன்னதற்கு நன்றி.
அன்புடன் இமா

‍- இமா க்றிஸ்

ஹலோ இமா மேடம்,
நேற்று இரவு உங்கள் இந்த பைகள் செய்து பார்த்திட்டேன்! ரொம்ப ஈஸியா மட்டுமில்லாமல் ரொம்ப க்யூட்டாவும் இருந்தது. வேற இரண்டு சைஸிலும் செய்து வைத்திருக்கிறேன். இந்த வீக்கெண்ட் இன்னும் வேற வேற சைஸில் செய்துகொள்ளலாம் என்று நினைத்திருக்கிறேன். குறிப்புக்கு மிகவும் நன்றி :-)

அன்புடன்,
விசா

இமா மேடம்
நீங்க சொல்லிக் கொடுத்த இந்த பை செய்து பார்த்தேன் ரொம்ப ஈஸியா இருந்தது, நல்லாவும் இருந்தது நல்லா தெளிவா சொல்லியிருக்கீங்க,அதனால் எனக்கே ஈஸியா புரிஞ்சிடுச்சு நன்றி மேடம் இனி அடிக்கடி இதை செய்வேன்.

மகிழ்ச்சி விசா & கவி. ;-)
இமா

‍- இமா க்றிஸ்

இமா நீங்கள் சொல்லி இருக்கும் இந்த முறைப்படி நான் பேப்பர் பேக் செய்தேன். ரொம்ப நல்லா வந்திருக்கு. ஈஸியாகவும் இருக்கு. இதையே இங்கே தாம்பூல பையாக பயன்படுத்தலாமா? அந்த அளவிற்கு இது நல்ல வெயிட் தாங்கும்படியாக இருக்குமா நீங்க என்ன மாதிரியான பேப்பரில் செய்து இருக்கீங்க நான் இங்கே கிடைக்கும் சார்ட்டில் தான் செய்தேன். ஆனால் அது அந்த அளவிற்கு stronga இல்லை. உங்களுக்கு தோன்றும் ஐடியாஸ் கொடுக்க முடியுமா?

மன்னிக்க வேண்டும், இப்போதான் பார்த்தேன் யாழினி. ரீசைக்கிள்ட் பேப்பர் & அழகான மொத்த நாடா வாங்கிக்கங்க. (பேப்பர் நீங்களே செய்யலாம்.) பையின் அடியில் வைப்பதற்கு தடித்த அட்டை & தரமான க்ளூ பயன்படுத்துங்க. நாடா கோர்க்கும் துளைக்கு 'ஐலட்' அடித்தால் அழகாக இருக்கிற அதே சமயம் பாரத்துக்குக் கிழிந்து போகாமலும் இருக்கும்.

‍- இமா க்றிஸ்

இமாம்மா யாழினிக்கு பதிலா மன்னிச்சாச்சு. இப்போவாது பதில் சொன்னீங்களே நானும் இரண்டுமூனு முறை பதிவு போட்டேன் பார்க்க சொல்லி நீங்க பார்க்கல பரவாயில்லை. ஐலட் என்பது அலுமினியத்துல ஒரு வட்டமா இருக்குமே அதானே. நானும் சார்ட் பேப்பர்ல பண்ணி பார்த்தேன் ஈஸியா இருந்துச்சு. பேப்பர் பை செய்வதற்கு விதவிதமான மெட்ரீயல் இருக்குதா. (பேப்பர் நீங்களே செய்யலாம்) - புரியல...

ஹலோ செல்லம்
என் பெயர் binta உள்ளது
உங்கள் சுயவிவர மிகவும் அழகாக ஏனெனில் நான், இன்று உங்கள் சுயவிவரத்தை பார்த்தேன் நீங்கள் தெரிந்து கொள்ள ஆர்வமாக பெற, இங்கே என் மின்னஞ்சல் முகவரி (bintajaafar@yahoo.com) நான் நீங்கள் என் புகைப்படங்கள் அனுப்ப மற்றும் இன்னும் சொல்ல என்று என்னை ஒரு மின்னஞ்சல் அனுப்ப தயவு செய்து உள்ளது என் சுய பற்றி,. தூரம் நினைவில், நிறம், மதம் அல்லது பழங்குடி பிரச்சினையில்லை ஆனால் விஷயங்களில் மிகவும் நேசிக்கிறேன் இல்லை (bintajaafar@yahoo.com) எனக்கு மின் அஞ்சல்.
binta முத்தம்
::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::

Hello Dear
My name is binta
I saw your profile today and get interested to know you, because you look very nice in your profile, here is my email address (bintajaafar@yahoo.com) please send me an email so that i will send you my photos and tell you more about my self,mail me at(bintajaafar@yahoo.com).Remember distance,color,religion or tribe does not matter but love matters a lot.
kiss binta

எட்டாம் ஆண்டுக் குறிப்புக்கு பதினோராம் ஆண்டில் கேட்ட கேள்விக்குப் பதினான்காம் ஆண்டு பதில் சொல்கிறேன். ;))

//ஐலட்// அதுவேதான். வேறு உலோகத்திலும் கிடைக்கும். இப்போது வெவ்வேறு வடிவங்களிலும் நிறங்களிலும் தயாரிக்கிறார்கள்.
//விதவிதமான மெட்ரீயல் இருக்குதா// ஆமாம், நிறைய விதமானவை இருக்கின்றன.
//பேப்பர் நீங்களே செய்யலாம்// வீட்டில் கிடைக்கும் காகிதக் கழிவுகளைக் கொண்டு வீட்டிலேயே காகிதம் தயாரிக்கலாம்.

‍- இமா க்றிஸ்