பிதுக்கு பருப்பு சுண்டல் - 2 | arusuvai


பிதுக்கு பருப்பு சுண்டல் - 2

food image
வழங்கியவர் : senthamizh selvi
தேதி : செவ்வாய், 13/01/2009 - 20:30
ஆயத்த நேரம் : 5 மணி நேரம்
சமைக்கும் நேரம் : 10 நிமிடங்கள்.
பரிமாறும் அளவு : 3 நபர்களுக்கு.

 

  • பச்சை மொச்சை கொட்டை - 1/2 கிலோ,
  • சின்ன வெங்காயம் - 5,
  • மிளகாய்த் தூள் - 1 தேக்கரண்டி,
  • பூண்டு - 4 பல்,
  • இஞ்சி - ஒரு துணுக்கு,
  • கறிமசால் தூள் - 1/2 தேக்கரண்டி,
  • தேங்காய்த்துருவல் - 1 மேசைக்கரண்டி,
  • மஞ்சள் தூள் - 1/2 தேக்கரண்டி,
  • கடுகு - 1/2 தேக்கரண்டி,
  • கறிவேப்பிலை - சிறிது,
  • கொத்தமல்லி தழை - சிறிது,
  • பெருங்காயம் - சிறிது,
  • உப்பு - தேவையான அளவு,
  • எண்ணெய் - 2 தேக்கரண்டி.

 

  • மொச்சைக் கொட்டையை 5 மணி நேரம் தண்ணீரில் ஊற வைத்து, பருப்பை மட்டும் பிதுக்கி எடுக்கவும்.
  • பிதுக்கிய பருப்பை அரை லிட்டர் தண்ணீரில் வேக வைத்து, பருப்பை மட்டும் தனியே எடுத்து வைக்கவும்.
  • இஞ்சி, பூண்டை நசுக்கி வைக்கவும். வெங்காயத்தை நீளமாக நறுக்கி வைக்கவும்.
  • வாணலியில் எண்ணெய் விட்டு கடுகு, பெருங்காயம், கறிவேப்பிலை தாளித்து நசுக்கிய இஞ்சி, பூண்டு, நீளமாக நறுக்கிய வெங்காயம், மஞ்சள் தூள், மிளகாய்த்தூள், கறிமசாலா, உப்பு சேர்த்து வதக்கவும்.
  • வெங்காயம் நன்கு வதங்கியதும், வேக வைத்த மொச்சை பருப்பு, தேங்காய்த்துருவல், நறுக்கிய கொத்தமல்லி சேர்த்து நன்கு கிளறி இறக்கவும்.
மாலை நேர சுண்டலுக்கும், சாப்பாட்டுக்கும் நன்றாக இருக்கும்.