காலிஃப்ளவர் சில்லி ஃப்ரை

தேதி: April 2, 2006

பரிமாறும் அளவு: 8 நபர்களுக்கு

ஆயத்த நேரம்: 10 நிமிடங்கள்

சமைக்கும் நேரம்: 30 நிமிடங்கள்

மொத்த நேரம்: 40 நிமிடங்கள்

No votes yet

 

காலிஃப்ளவர் - 1
உருளைக்கிழங்கு - கால் கிலோ
தக்காளி - கால் கிலோ
பச்சைமிளகாய் - 6
பூண்டு - 6 பல்
இஞ்சி - ஒரு சிறியத்துண்டு
எண்ணெய் - 4 மேசைக்கரண்டி
நெய் - 2 மேசைக்கரண்டி
மஞ்சள்தூள் - அரைத் தேக்கரண்டி
உலர்ந்தமிளகாய் - 2
வெங்காயம் - 4
கொத்துமல்லிக்கீரை - ஒரு கொத்து
லவங்கப்பட்டை - சிறியத் துண்டு
உப்பு - தேவையான அளவு


 

காலிஃப்ளவரை சுத்தம் செய்து சிறிய துண்டுகளாக நறுக்கிக் கொள்ளவும்.
ஒரு பாத்திரத்தில் துண்டுகளைப் போட்டு சிறிது தண்ணீர் விட்டு அரை வேக்காடாக வேக வைக்கவும்.
வேகும்போதே அதில் உப்பு, மஞ்சள்தூள், விதைநீக்கிய மிளகாய்வற்றல் மற்றும் பொடித்த லவங்கப்பட்டை ஆகியவற்றைச் சேர்க்கவும்.
தக்காளியையும் வெங்காயத்தையும் பொடியாக நறுக்கிக் கொள்ளவும்.
பூண்டு, இஞ்சி, மல்லித்தழை, பச்சைமிளகாய் ஆகியவற்றை பொடியாய் நறுக்கிக் கொள்ளவும்.
உருளைக்கிழங்கின் தோலுரித்து சிறு துண்டங்களாக நறுக்கிக் கொள்ளவும். அவற்றை சிறிது உப்பில் புரட்டி வாணலியில் எண்ணெய்யில் போடு வறுத்து எடுத்து தனியே வைக்கவும்.
அந்த வாணலியில் வெங்காயத்தைப் போட்டு வதக்கி பொன்னிறமானவுடன் நறுக்கி வைத்துள்ளவற்றைப் போட்டு, பிரட்டி பிறகு அதில் வேகவைத்துள்ள காலிஃப்ளவரையும் போட்டு கிளறி வேகவிடவும்.
தக்காளி, வெங்காயம், வறுத்த உருளைத்துண்டுகள், சிறிது உப்பு ஆகியவற்றையும் சேர்த்து தீயைக் குறைத்து வேகவிடவும்.
நன்கு வெந்ததும் இறக்கி பரிமாறவும்.


மேலும் சில குறிப்புகள்