அரிசி வடாம்

வழங்கியவர் : senthamizh selvi

தேதி : ஞாயிறு, 18/01/2009 - 21:19

ஆயத்த நேரம் : ஒரு நாள்

சமைக்கும் நேரம் : 1 மணி நேரம்

பரிமாறும் அளவு : 1/2 கிலோ வடாம் வரும்.

பச்சரிசி - 1/2 கிலோ,

பச்சை மிளகாய் - 10,

பெருங்காயம் - சிறிது,

சீரகம் - 2 தேக்கரண்டி,

உப்பு - தேவையான அளவு.

பச்சரிசியை காலையில் கழுவி, தண்ணீரில் ஊற வைக்கவும்.

மாலையில் கிரைண்டரில் போட்டு தண்ணீர் ஊற்றி இட்லிக்கு அரைக்கும் பதத்திற்கு அரைக்கவும்.

இரவு முழுதும் அப்படியே வைக்கவும்.

பச்சை மிளகாயை விழுதாக அரைக்கவும்.

அடி கனமான அகலமான பாத்திரத்தில் ஒரு லிட்டர் தண்ணீரையும், மிளகாய் விழுதையும் சேர்த்து கொதிக்க விடவும்.

தண்ணீர் கொதிக்கும் போது தீயை குறைத்து வைத்துக் கொண்டு, அரைத்த மாவை ஊற்றி கிளறவும்.

சீரகம், பெருங்காயம், உப்பு சேர்த்து கிளறிக் கொண்டே இருக்கவும்.

மாவு நன்கு வெந்து அல்வா போல் பளபளப்பாக தெரியும்.

அப்போது இறக்கி முறுக்கு குழாயில் நட்சத்திர அச்சோ, ஓமப்பொடி அச்சோ போட்டு, மாவை நிரப்பவும்.

வெயிலில் ப்ளாஸ்டிக் சீட்டோ அல்லது ஈரமான துணியோ விரித்து, நீள நீளமாக பிழிந்து விடவும்.

2 அல்லது 3 நாட்கள் காய வைக்கவும்.

காய்ந்ததும் துணியிலிருந்து எடுத்து, தேவையான நீளத்திற்கு ஒடித்து வைத்துக் கொள்ளவும்.

தேவையான போது எண்ணெயில் பொரித்து சாப்பாட்டுக்கு தொட்டுக் கொள்ளலாம்.

Note:

எண்ணெயில் பொரித்தால் இரு மடங்கு உப்பி சுவையாக இருக்கும்.