சிக்கன் சப்ஜி பிரியாணி

தேதி: January 22, 2009

பரிமாறும் அளவு: நான்கு நபர்களுக்கு

ஆயத்த நேரம்: 10 நிமிடங்கள்

சமைக்கும் நேரம்: 30 நிமிடங்கள்

மொத்த நேரம்: 40 நிமிடங்கள்

No votes yet

 

பாஸ்மதி அரிசி - 400 கிராம்
சிக்கன் - கால் கிலோ
கேரட் - 100 கிராம்
பட்டாணி - 100 கிராம்
உருளைக்கிழங்கு - 100 கிராம்
வெங்காயம் - நான்கு
தக்காளி - மூன்று
தயிர் - இரண்டு மேசைக்கரண்டி
இஞ்சி பூண்டு பேஸ்ட் - இரண்டு மேசைக்கரண்டி
கொத்தமல்லி - சிறிது
புதினா - ஆறு இதழ்
பச்சைமிளகாய் - நான்கு
மிளகாய்தூள் - ஒரு தேக்கரண்டி
உப்பு - தேவைக்கு
பட்டை - இரு அங்குல அளவு
கிராம்பு - இரண்டு
ஏலம் - ஒன்று
பிரிஞ்சி இலை - ஒன்று
எண்ணெய் - கால் கப்
நெய் - ஒரு தேக்கரண்டி
ரெடி கலர் பொடி - சிறிது
லெமென் ஜூஸ் - பாதி


 

அரிசியை களைந்து 20 நிமிடம் ஊற வைக்கவும்.
சிக்கன் சுமாரான துண்டுகள் போட்டால் போதும். வெங்காயத்தை நீளவாக்கில் நறுக்கி வைக்கவும். தக்காளி எட்டு எட்டு துண்டுகளாக போடவும். உருளைக்கிழங்கையும் எட்டாக போடவும், கேரட்டை சிறிது தடிமனாக அரை வட்டத்தில் செதுக்கி கொள்ளவும்.
எண்ணெயை காயவைத்து பட்டை, கிராம்பு, பிரிஞ்சி இலை, ஏலம் போட்டு தாளித்து வெங்காயம் போட்டு வதக்கவும்.
வெங்காயம் கலர் மாறியதும் இஞ்சி பூண்டு பேஸ்ட் சேர்த்து அடிப்பிடிக்காமல் நன்கு கிளறி பொன்முறுவல் ஆனதும் கொத்தமல்லித்தழை, புதினாவை போட்டு வதக்கவும்.
அதனுடன் காய்களை போட்டு இரண்டு நிமிடம் வதங்க விடவும்.
அடுத்து தக்காளி, பச்சை மிளகாயை சேர்த்து மிளகாய் தூள், மஞ்சள் தூள், உப்பு தூளை சேர்த்து சிம்மில் பத்து நிமிடம் வைக்கவும்.
நன்கு தக்காளி வெந்ததும் சிக்கன், தயிரை சேர்த்து மசாலா ஏறும் வரை கிளறி மீண்டும் பத்து நிமிடம் சிம்மில் வைக்கவும்.
எல்லாம் வெந்து கூட்டானதும் ஒரு சட்டியில் தண்ணீரை வைத்து அதில் சிறிது கொத்தமல்லி, புதினாவை போட்டு கொதி வந்ததும் அரிசி களைந்து போட்டு உப்பு சேர்த்து லெமென் ஜூஸை ஊற்றி முக்கால் வேக்காட்டில் வடித்து சிக்கன் சப்ஜி கூட்டில் சேர்க்கவும்.
பிறகு ரெடி கலர் பொடியை கரைத்து தெளித்து விட்டு நெய் சேர்த்து கிளறி 15 நிமிடம் தம்மில் விடவும். தம் ஆனதும் ஐந்து நிமிடம் கழித்து கிளறி தயிர் சட்னியுடன் சாப்பிடவும்.


திடீரென்று வீட்டில் சிக்கன் பிரியாணி சாப்பிட தோன்றினால் அதிகம் மஸ்து இல்லாமல் இப்படி செய்து சாப்பிடலாம்.
இதை குக்கரில் செய்து அப்படியே தண்ணீர் ஊற்றுவதாக இருந்தால் ஒரு கப்புக்கு ஒன்னேகால் ஊற்றினால் போதும் நல்ல அரிசியை ஊறவைத்து போடனும் குக்கரில் சவுண்ட் வரும் போது தீயை மீடியமாக வைத்து கொள்ளவும் சிம்மில் வைக்க வேண்டாம்.

மேலும் சில குறிப்புகள்