மணிகளால் ஆன முடி(crown)

தேதி: March 9, 2009

5
Average: 4.8 (4 votes)

 

முத்து - 6 மி.மீ அளவிலான முத்துக்கள்
கம்பி
குரடு

 

மணி முடி செய்ய தேவையானவற்றை தயாராக எடுத்து வைத்துக் கொள்ளவும்.
முடியின் அளவை விட 6 செ.மீ அதிகமாக ஒரு துண்டும், இரண்டாவது துண்டு அதுபோல் 2 மடங்கு வருமாறும் கம்பியை வெட்டிக் கொள்ளவும்.
இரண்டு கம்பிகளையும் ஒன்றாகப் பிடித்து ஒரு முத்தினுள் நுழைத்துக் கொள்ளவும். கம்பிகள் இரண்டையும் முத்தைச் சுற்றி வளைத்து விடவும்.
சிறிய கம்பியில் 6 முத்துக்களும், நீளமான கம்பியில் 9 முத்துக்களும் கோர்த்துக் கொள்ளவும்
முத்துக்களை நெருக்கமாகப் பிடித்துக் கொண்டு நீளமான கம்பியால் சிறிய கம்பியை இறுக்கமாக 2 சுற்றுச் சுற்றி விடவும்.
இதேப்போல் தொடர்ந்து தேவையான அளவு நீளம் வரும் வரை முத்துக்களைக் கோர்த்துக் கட்டவும்.
கடைசி முறை கம்பியைச் சுற்றியதும் ஆரம்பத்தில் செய்தது போல் இரண்டு கம்பிகளையும் சேர்த்து ஒரு முத்தினுள் நுழைக்கவும்.
தொடங்குகிற போது வளைத்துவிட்ட கம்பி வளையத்தினூடாகச் செலுத்தி ஒற்றை முத்தைச் சுற்றி வளைத்து விடவும்.
மேலதிகமான கம்பித் துண்டுகளை வெட்டிவிட்டு வளைவுகளைச் சீர்செய்துவிடவும்.
தலைக்கு அணிவிக்கும் போது ஒற்றை மணிகள் வரும் இடத்தைப் பின் புறம் வருமாறு வைக்க வேண்டும். வளைவு இடைவெளிகளில் ஹேர்பின் கொண்டு சொருகி விட வேண்டும். இங்கு பயன்படுத்தியுள்ளவை பல்கோண அமைப்புள்ள, மல்டிகலர்ட் முத்துக்கள்.
இந்த அழகிய மணிகளால் ஆன முடியை அறுசுவை நேயர்களுக்காக செய்து காட்டியவர் திருமதி. செபா அவர்கள். 73 வயதாகும் இவர் ஒரு ஓய்வு பெற்ற ஆசிரியை. கைவேலைகள் செய்வதில் மிகுந்த ஆர்வம் உள்ளவர். இந்த முடி 1969 ஆம் ஆண்டு தனது மகளின் முதல் நன்மைக்காகச் செய்தது. அதை இப்போது நினைவுப்படுத்தி நமக்காக செய்து அனுப்பியுள்ளார்

உறுப்பினரது அண்மைக் குறிப்புகள்

மேலும் சில கைவினைகள்


Comments

செபா மேடம் இந்த க்ரெளன் ரொம்ப அழகா இருக்கு, அதை செய்து காண்பித்த மெத்தட் கூட ரொம்ப எளிதா இருக்கும் போல? செய்து பார்த்துட்டு சொல்றேன் மேடம்.

ஒவ்வொரு தடவையும் என் மகள் க்ரவுன் கேட்கும் பொழுதெல்லாம் தேடி தேடி வாங்கி கொடுத்தோம்,இனிமேல் அழகாக வித விதமா கலர் கலராக செய்து கொடுக்கலாம்.
என்றென்றும் அன்புடன்,
ஆசியா உமர்.

என்றென்றும் அன்புடன்,
ஆசியா உமர்.

கிரீடம்

அப்பா கொள்ளை அழகு.
செபா ஆன்டி சூப்பர் அப்ப உள்ளதை நினைவு படுத்தி இப்ப போட்டுள்ளீர்கள்.
நல்ல பிரெஸென்டேஷன் கொடுத்து இருக்கீங்கள்.
வாழ்த்துக்கள்.

ஜலீலா

Jaleelakamal

seba aunty!!! i am going to make one for myself.. afterall I deserve one too!!!

"10 வது முறை விழுந்தவனைப் பூமி முத்தமிட்டுச் சொன்னது - "9 முறை எழுந்தவனல்லவா நீ?"..

செபா ஆன்டி,
மிகவும் அருமை..உங்களை நான் சின்ன பொன்னு என்று நினைத்து இருந்தேன்..ஆனால் உண்மையில் நீங்கள் இளமை தான்…எவ்வள்வு நாள் ஆனபிறகும் அதனை மறக்காமல் இருந்து எங்களுக்காக செய்து காட்டி உள்ளீர்…நன்றிகள் பல.
போட்டோஸ் மிகவும் சூப்பர்…
அன்புடன்,
கீதா ஆச்சல்

கீரிடம் ரொம்ப அழகா இருக்கு.அப்போ செய்ததை நினைவுபடுத்தி போட்டிருக்கிங்க.செய்வதற்க்கும் ரொம்ப ஈஸியா இருக்குது.

மேடம் க்ரவுன் ரொம்ப அழகா இருக்கு.என்னுடைய மகளுக்காக இதை செய்து பார்த்து சொல்கிறேன்.
செல்வி

சவுதி செல்வி

உங்கள் பாராட்டுக்கு எனது நன்றி.
அன்புடன்,
செபா.

பின்னூட்டத்திற்கு எனது நன்றி. உங்கள் மகளுக்கு எத்தனை வயது? முடி செய்து மகளுக்கு அணியுங்கள். அழகாக இருப்பார்.
அன்புள்ள,
செபா.

வாழ்த்துக்களுக்கு நன்றி. அந்த நாட்களில் நிறையப் பொருட்கள் செய்துள்ளேன். இப்போ ஞாபகப்படுத்துவது தான். சிரமமாயுள்ளது.
அன்புடன்,
செபா.

இலா,
முடியை அணிந்தால் நிச்சயம் நீங்கள் மிக அழகாக இருப்பீர்கள். செய்து பாருங்கள்.
அன்புள்ள.
செபா.

கீதா.
வயது என்னோடு ஒத்துழைக்க மாட்டேன் என்கிறது. போட்டோக்கள் நான் எடுக்கவில்லை. அதற்கு உதவியது எனது மகள் தான். போட்டோவிற்கான பாராட்டுக்கள் மகளுக்கே உரியது.
நன்றி.
அன்புடன்,
செபா.

பாராட்டுக்கு நன்றி. செய்து பார்த்துச் சொல்லுங்கள்.
அன்புள்ள,
செபா.

இப்பொழுது என் மகள் ருமானாவிற்கு வயது 12.செய்து கொடுத்தால் வைத்துக்கொள்வாள்.அவளே செய்யப்போவதாய் சொல்கிறாள்.இது மாதிரி வேலைகளில் அவளுக்கு ரொம்ப இஷ்டம்.
என்றென்றும் அன்புடன்,
ஆசியா உமர்.

என்றென்றும் அன்புடன்,
ஆசியா உமர்.

உங்கள் மகளுக்கு முடி அழகாகவே இருக்கும். செய்து பார்த்துச்சொல்லுங்கள். மிக்க நன்றி.
அன்புடன்,
செபா.

செபா ஆன்டி நீங்க எங்க இருக்கீங்க என்க்கு உங்களை பார்க்கனும் போல் உள்ளது.

இந்த வய்தில் நீங்கள் செய்கிறீகள் என்றால், எனக்கு ரொம்ப ஆசிரியமா இருக்கு, நான் ஒரே நினைத்து கொள்வேன் வயதானால் நம்மால் சமைக்க முடியுமா இதே சுறு சுறுப்பு இருக்குமா, தக்க முடியுமா என்றெலாம்.

ஜலீலா

Jaleelakamal

ஆஸியா,
உங்கள் மகள் கை வேலையில் ஆர்வமாக இருப்பது மகிழ்ச்சி. அது தான் இப்போதும் எனக்கு உற்சாகத்தைத் தருகிறது. பொழுது இனிமையாகப் போகிறது..நன்கு ஊக்கப்படுத்துங்கள்.
செபா.

ஜலீலா,
நான் இப்போ நியூசிலாந்தில் இருக்கிறேன். நாங்களிருவரும் தனியாகதான் இருக்கிறோம். சமையல், சுத்தம் செய்வது எல்லாம் நானே செய்வேன். பொழுது போகாத போது கைவேலை கைகொடுக்கும். பொருட்கள் வாங்க மகள் வீட்டார் உதவுவார்கள்.
செபா.

செபா உங்கள் கை வேலை மிகவும் அழகு.. கிட்டத்தட்ட என் அம்மம்மா வயது உங்களுக்கு.. (அதை விடவும் அதிகமாயிருக்கலாம்) அசத்தறீங்க :)

ஆக, இந்த புகைப்படம் 1969 ல எடுத்தது :) எவிடன்ஸ் மேல எவிடன்ஸ்.. :)

புகைப்படத்துக்கு போஸ் கொடுத்த / எடுத்த உங்கள் மகளுக்கு ஸ்பெஷல் நன்றிகள் :)

ஒரே ஒரு சந்தேகம் :) உங்களுக்காக தமிழ் தட்டச்சும் உங்கள் மகள் தான் செய்யறாங்களா?? :)

இப்படிக்கு,
சந்தனா

இப்படிக்கு,
சந்தனா

அன்பின் சந்தனா,

//எவிடன்ஸ்மேல எவிடன்ஸ்.. :)//
உங்கள் விடாமுயற்சிக்குப் பாராட்டுக்கள்.
இதை எதிர்பார்த்திருந்தீர்களா? :))

//புகைப்படத்துக்கு போஸ் கொடுத்த உங்கள் மகளுக்கு ஸ்பெஷல் நன்றிகள் :)//
உங்களுக்கும் என் ஸ்பெஷல் நன்றிகள் :)
எடுத்தது ஸ்டூடியோவில் - நானல்ல :)

//ஒரே ஒரு சந்தேகம் :) உங்களுக்காக தமிழ் தட்டச்சும் உங்கள் மகள் தான் செய்யறாங்களா?? :)//
இல்லை, அம்மாவே அதெல்லாம் நல்லா செய்வாங்க. மகள் செய்வது 'ப்ரூஃப் ரீடிங்' மட்டுமே. அதுவும் புள்ளிகள் சரியா இருக்கிறதா என்று பார்த்துச் சொன்னால் சரி. அவங்களுக்கு சில மாதங்கள் முன்னால்தான் கண் சத்திர சிகிச்சை நடந்தது. அடுத்ததற்குக் காத்துக் கொண்டு இருக்கிறாங்க. அதற்குப் பிறகு இந்த உதவியும் தேவைப்படாது.

அம்மா இன்னும் இதைப் பார்த்தாங்களா என்று தெரியவில்லை. அவங்க என்னோடு இல்லை. அப்பாவும் அம்மாவும் தனியா, வேறு வீட்டில் இருக்கிறாங்க.

அன்புடன் இமா

‍- இமா க்றிஸ்

பதில்களுக்கு நன்றி இமா.. அம்மா இஸ் அமேசிங் !!!..

அம்மா நல்லபடியா சிகிச்சை முடிஞ்சு வரதுக்கு பிரார்த்தனைகள்..

(இன்னுமொரு சந்தேகம்.. உங்க சொந்த பதிவுகளுக்கு proof reading பண்ணறதுக்கு ஆள் தேடிட்டு இருக்கீங்கன்னு கேள்விப்பட்டேன்.. :) )

இதுக்கு மேல இங்க அரட்டை வேண்டாம்.. செபா கோச்சுக்க போறாங்க :)
(செபா கோச்சுக்காதீங்கோ - இந்த இமா தான் எல்லாத்துக்கும் காரணம் :) )

இப்படிக்கு,
சந்தனா

இப்படிக்கு,
சந்தனா

செபா ஆன்ரி, முதலில் என்னை மன்னிக்கவும், இன்றுதான் தற்செயலாக இத் தலைப்பை உள்ளே பார்த்தேன், எல்லாம் தெரிந்துகொண்டேன். நானும் நீங்கள் சின்னப்பிள்ளை என்றுதான் நினைத்துக் கதைத்துக்கொண்டுவந்தேன். எங்கள் அம்மாவை விட நீங்கள் வயதில் மூத்தவர், இப்போதான் அறிந்து, உங்களை இவ்வளவு காலமும் பெயர் சொல்லி அழைத்துவந்தேனே என மனவருத்தமாக இருக்கு.

மிக அழகாக செய்து காட்டியிருக்கிறீங்கள். இப்போ உங்கள் பேரப்பிள்ளைகளுக்கும் பயன்படும். இன்னும் வேறு கைவண்ணங்களில் முடிந்தால் செய்து அனுப்புங்கோ. எமக்குப் பயன்படும்.

நன்றி,
எண்ணம் அழகானால் எல்லாம் அழகாகும்

நன்றி,
எண்ணம் அழகானால் எல்லாம் அழகாகும்

மண்டை குழம்பிப்போச்சு:)
இமா, இமா... இப்பத்தான் முழுவதும் படித்தேன் மண்டையே குழம்பிப்போச்சு. இமா, உண்மையில் செபா ஆண்ரி உங்கள் அம்மாவோ? படத்தில் வயதோடு :) போட்டிருப்பது உங்கள் படமோ? என்னவெல்லாம் புதுமைகள் இங்கே நடக்கிறதே...... இதைச் சாட்டாக வைத்து:) சந்தனா தான் ரொம்பச் சின்னப் பெண்ணாகிட்டார்:)....

என்னதான் நடக்கும்.. நடக்கட்டுமே.... இருட்டினில் யாவும் மறையட்டுமே.... தன்னாலே வெளிவரும் தயங்காதே... ஒரு தலைவர் இருக்கிறான் கலங்காதே.... எனக்கு நானே பாடிக்கொண்டு வோக் போகிறேன்...:).

நன்றி,
எண்ணம் அழகானால் எல்லாம் அழகாகும்

நன்றி,
எண்ணம் அழகானால் எல்லாம் அழகாகும்

கிரீடம் ரொம்ப அழகாக இருக்கிறது...
உங்கள் மகள் இமாவும் அழகாக இருக்கிறார்....

crown செய்தாச்சு...
இவ்வளவு எளிமையாக அழாகாக செய்ய முடிகிறதே...'
என் மகனும் செய்யும் பொது எமக்கு உதவினார்...
மகள்(ஹெப்சி) அசந்து விட்டாள்...மீண்டும் மீண்டும் நீங்களா செய்தது...என்றாள்...
அவளுக்கு இப்போது boycut செய்திருப்பதால் தலையில் நிற்க கஷ்டம்...
இன்னும் நிறைய செய்யுங்கள்....

இன்னும் (புகைப்)படம் எடுக்கவில்லை...எடுத்ததும் அனுப்புகிறேன்...

இந்த செய்முறையை பார்த்து திருமதி. தேன்மொழி அவர்கள் செய்த மணிகளால் ஆன முடியின் படம்

<img src="files/pictures/crown-seba.jpg" alt="picture" />

ஆஹா, அருமை. :) அழகாகச் செய்திருக்கிறீர்கள் தேன்மொழி. என்ன, ஹெப்சி இல்லாமல் முடியை மட்டும் அனுப்பிவிட்டீர்கள். :) மிக்க நன்றி. அம்மா எழுந்ததும் சொல்கிறேன்.
அன்புடன் இமா

‍- இமா க்றிஸ்

மிகவும் அழகாக இருக்கிறது நீங்கள் செய்துள்ள கிரீடம்.
செய்து பார்த்ததற்கு எனது நன்றிகள்.
அன்புடன்,
செபா.

பாராட்டுக்களுக்கு நன்றி...
படத்தை நான் இப்போதுதான் பார்த்தேன்..
படத்தை அனுப்பிவிட்டு எல்லோரும் நிறைய நாட்கள் காத்திருந்தது போல் தெரிந்ததால் நான் இன்னும் நாட்களாகும் என்று நினைத்தேன்...நன்றி அட்மின்...நான் அனுப்பிய படமும் நீங்கள் கேட்ட format ல் இருக்கவில்லையே...எனக்கு என் கிரீடம் படம் ரொம்ப விரைவாக வெளிவந்ததாக தோன்றுகிறது...மிக்க நன்றி...

superb..

ஹலோ செல்லம்
என் பெயர் binta உள்ளது
உங்கள் சுயவிவர மிகவும் அழகாக ஏனெனில் நான், இன்று உங்கள் சுயவிவரத்தை பார்த்தேன் நீங்கள் தெரிந்து கொள்ள ஆர்வமாக பெற, இங்கே என் மின்னஞ்சல் முகவரி (bintajaafar@yahoo.com) நான் நீங்கள் என் புகைப்படங்கள் அனுப்ப மற்றும் இன்னும் சொல்ல என்று என்னை ஒரு மின்னஞ்சல் அனுப்ப தயவு செய்து உள்ளது என் சுய பற்றி,. தூரம் நினைவில், நிறம், மதம் அல்லது பழங்குடி பிரச்சினையில்லை ஆனால் விஷயங்களில் மிகவும் நேசிக்கிறேன் இல்லை (bintajaafar@yahoo.com) எனக்கு மின் அஞ்சல்.
binta முத்தம்
::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::

Hello Dear
My name is binta
I saw your profile today and get interested to know you, because you look very nice in your profile, here is my email address (bintajaafar@yahoo.com) please send me an email so that i will send you my photos and tell you more about my self,mail me at(bintajaafar@yahoo.com).Remember distance,color,religion or tribe does not matter but love matters a lot.
kiss binta