வாழைப்பூ வடகம்

வழங்கியவர் : Mrs vathsala Na...

தேதி : புதன், 18/03/2009 - 14:22

ஆயத்த நேரம் : 3 மணி நேரம்

சமைக்கும் நேரம் : 30 நிமிடம்

பரிமாறும் அளவு :

வாழைப்பூ - 1

உளுந்து - 1 கப்

சின்ன வெங்காயம் - 250 கிராம்

சீரகம் - 1 மேசைக்கரண்டி

பெருஞ்சீரகம் - 1 மேசைக்கரண்டி

மிளகு - 1 தேக்கரண்டி

காய்ந்த மிளகாய் - 10 - 15

கறிவேப்பிலை - ஒரு கைப்பிடியளவு

உப்பு - தேவையான அளவு

உளுந்தை 3 மணி நேரம் ஊறவிடவும். வாழைப்பூவை பொடியாக நறுக்கவும்.

வெயிலில் 2 மணி நேரம் உலரவிடவும். மிளகை பொடியாக அரைக்கவும்.

மிளகாயை அருவல் நொருவலாக அரைக்கவும். வெங்காயத்தையும், கறிவேப்பிலையையும் பொடியாக நறுக்கவும். உளுந்தை கொரகொரப்பாக அரைக்கவும்.

பின்பு அரைத்த உளுந்துடன் பொடியாக நறுக்கிய வாழைப்பூ, வெங்காயம், கறிவேப்பிலை, பொடியாக அரைத்த மிளகு, மிளகாய், பெருஞ்சீரகம், சீரகம், உப்பு சேர்த்து நன்றாக குழைக்கவும்.

சிறிய உருண்டைகளாக உருட்டி மேல் சிறிதளவு அமத்தி தட்டையாக்கி ஒரு ரேயில் அடுக்கி வெயிலில் காயவைக்கவும்.

நன்றாக காயும் வரை 5 அல்லது 6 நாட்கள் வெயிலில் காயவைத்து எடுக்கவும்.

இதை டப்பாவில் போட்டு வைத்து நீண்ட காலம் வைத்துப் பாவிக்கலாம்.

தேவையான போது எடுத்து பொரித்து சோறு, புட்டுடன் சாப்பிடலாம்.

கருத்து தெரிவிக்கஉள்நுழைக அல்லது பெயர்ப்பதிவு செய்க.
அச்சிடுவதற்கு ஏற்ற பக்கம்