சிக்கன் தில்ருபா

வழங்கியவர் : asiya omar

தேதி : Sat, 30/05/2009 - 08:03

ஆயத்த நேரம் : 30 நிமிடம்

சமைக்கும் நேரம் : 20-30 நிமிடம்

பரிமாறும் அளவு : 6 நபர்களுக்கு

கோழிக்கறி - அரைக்கிலோ

பால் - 1 கப்

எண்ணெய் அல்லது பட்டர் - 3-4 டேபிள்ஸ்பூன்

வெங்காயம் - 2

இஞ்சி நறுக்கியது - 1 டேபிள்ஸ்பூன்

சில்லி பவுடர் - 1 டீஸ்பூன்

மஞ்சள் பொடி - அரை ஸ்பூன்

கரம் மசாலா - 1 டீஸ்பூன்

சாஃப்ரான் - பின்ச்

தயிர் - அரை கப்

பாதாம்பருப்பு,வால்நட் கலவை - தலா கால் கப்

பூசணி - சிறு துண்டு

பச்சை மிளகாய் -2

பாதாம், முந்திரி அலங்கரிக்க - விரும்பினால்

கோழிக்கறியை சுத்தம் செய்து கழுவி நீர் வடிகட்டவும். பின்பு மஞ்சள் பொடி, தயிர், உப்பு போட்டு கலந்து வைக்கவும்.

வெங்காயம் இஞ்சி அரைத்து எடுக்கவும். பாதாம், வால்நட் வகையை பால் விட்டு அரைத்து எடுக்கவும்.

வாணலியில் எண்ணெய் அல்லது பட்டர் போட்டு காய்ந்ததும் அரைத்த வெங்காயம் இஞ்சி கலவையை போட்டு வதக்கவும். பின்பு சிக்கன் சேர்த்து நன்கு பிரட்டி வேக வைக்கவும். நல்ல ப்ரவுன் கலர் வர வேண்டும்.

அதனுடன் சில்லி பவுடர், கரம் மசாலா, பச்சை மிளகாய் மற்றும் பூசணியை நறுக்கி போட்டு சேர்க்கவும். அதில் அரைத்த பாதாம், வால்நட் கலவையை சேர்த்து 10 நிமிடம் சிம்மில் வைத்து மூடி பிறகு திறக்கவும்.

பின்பு பின்ச் சாஃப்ரான் பாலில் கரைத்து விரும்பினால் விடவும். இன்னும் விரும்பினால் பாதாம், முந்திரி வறுத்து சேர்க்கவும்.

சுவையான ரிச் டேஸ்ட் உள்ள சிக்கன் தில்ருபா ரெடி.

இதனை பஞ்சாபி ரொட்டி, நாண், சப்பாத்தி உடன் பரிமாறலாம்.

Note:

பாதாம் பருப்பை வெந்நீரில் ஊறவைத்து வால்னட்டுடன் சேர்த்து அரைக்கவும்.

கருத்து தெரிவிக்கஉள்நுழைக அல்லது பெயர்ப்பதிவு செய்க.
அச்சிடுவதற்கு ஏற்ற பக்கம்