மொச்சைக்கொட்டை குழம்பு | arusuvai


மொச்சைக்கொட்டை குழம்பு

food image
வழங்கியவர் : Vr Scorp
தேதி : Sat, 06/06/2009 - 00:23
ஆயத்த நேரம் : 20 நிமிடம்
சமைக்கும் நேரம் : 20 நிமிடம்
பரிமாறும் அளவு : 4

 

  • காய்ந்த (சிவப்பு) மொச்சைக்கொட்டை - 100 கிராம்
  • வெங்காயம் - ஒன்று
  • தக்காளி - ஒன்று
  • சோம்பு - அரை தேக்கரண்டி
  • தேங்காய் - கால் மூடி
  • புளி - ஒரு சின்ன எலுமிச்சை அளவு
  • மிளகாய் தூள் - 2 தேக்கரண்டி
  • மஞ்சள் தூள் - கால் தேக்கரண்டி
  • நல்லெண்ணெய் - ஒரு குழிக்கரண்டி
  • கடுகு - கால் தேக்கரண்டி
  • கறிவேப்பிலை - ஒரு கொத்து
  • உப்பு - தேவையான அளவு

 

  • மொச்சையை லேசாக வறுத்து வேகவைத்து எடுக்கவும். புளிக்கரைசலில் மிளகாய் தூள், மஞ்சள் தூள் மற்றும் உப்பு சேர்த்து கலந்து வைக்கவும்.
  • வெங்காயம் மற்றும் தக்காளியை நறுக்கி வைக்கவும். தேங்காயை துருவி சோம்பு சேர்த்து அரைத்து வைக்கவும்.
  • எண்ணெய் காய்ந்ததும் கடுகு, கறிவேப்பிலை தாளித்து வெங்காயம் சேர்த்து நல்ல வதக்கவும்.
  • வெங்காயம் சிவந்ததும் தக்காளி சேர்த்து குழையும் வரை வதக்கவும். பிறகு புளித்தண்ணீர் சேர்த்து கொதிக்க விடவும்.
  • ஒரு கொதி வந்ததும் வேகவைத்த மொச்சையை சேர்த்து கொதிக்க விடவும்.
  • பிறகு அரைத்து வைத்த விழுது சேர்த்து 10 நிமிடம் கொதிக்க விடவும்.
  • எண்ணெய் மேலே வந்து மிளகாய் தூள் வாசம் அடங்கியதும் அடுப்பை அணைக்கவும்.



இந்தப் பிரிவில் மேலும் சில குறிப்புகள்..