மேக்ரோனி சீஸ் அண்ட் பாயில்டு பொட்டேடோ சமையல் குறிப்பு - 13042 | அறுசுவை


மேக்ரோனி சீஸ் அண்ட் பாயில்டு பொட்டேடோ

food image
வழங்கியவர் : ammujan24
தேதி : செவ்வாய், 09/06/2009 - 10:30
ஆயத்த நேரம் :
சமைக்கும் நேரம் :
பரிமாறும் அளவு : 2 or 3

 

  • மேக்ரோனி - ஒரு கப்
  • மோசறேல்லா சீஸ் - அரை கப்
  • மைதா - ஒரு டீஸ்பூன்
  • பால் - ஒரு கப்
  • சீரகப் பொடி - ஒரு டேபிள்ஸ்பூன்
  • பெரிய உருளைக்கிழங்கு - ஒன்று
  • உப்பு - தேவையான அளவு
  • மிளகு தூள் - மூன்று மேசைக்கரண்டி
  • வெங்காயம் - கால் கப்
  • தக்காளி - கால் கப்
  • பூண்டு - 9 பல்
  • பட்டை - ஒன்று
  • ஆலிவ் ஆயில் - ஒரு மேசைக்கரண்டி
  • பட்டர் - ஒரு மேசைக்கரண்டி

 

  • மேக்ரோனியை நான்கு கப் நீரில் ஒரு சொட்டு எண்ணெய் விட்டு ஆறு நிமிடம் வேக வைத்து எடுத்து வடிகட்டிக்கொள்ளவும்.
  • உருளைக்கிழங்கை தோல் சீவி பாயில் பண்ணி எடுத்துக் கொள்ளவும்.
  • நன்கு வெந்ததும் ஒரு முழு உருளையை சரியாக நடுவில் வெட்டி வைக்கவும்.
  • ஆலிவ் ஆயில் மற்றும் பட்டரை கடாயில் விட்டு காய்ந்ததும் வெங்காயம் போட்டு வதக்கி பூண்டு சேர்த்து வதக்கவும்.
  • வெங்காயம் லேசாக வதங்கியதும் பட்டையை பொரித்து கலவையில் இருந்து பட்டையை தனியாக எடுத்து விடவும்.
  • தக்காளி சேர்த்து ஒரு நிமிடம் வதக்கி சீஸ் சேர்த்து லேசாக உருகும் வரை கிளறவும்.
  • சீஸ் உருக ஆரம்பித்ததும் மிளகுத்தூள் சேர்த்து பால் சேர்த்து கொதிக்க விடவும்.
  • பால் நன்கு கொதித்து பாதி ஆனதும் மைதா மாவை போட்டு கட்டி ஆகாமல் நீர் தெளித்து இரண்டு நொடி கிளறவும்.
  • மேக்ரோனி சேர்த்து உப்பு சேர்த்து வதக்கி உருளைக்கிழங்கை போட்டு இரண்டு நிமிடத்தில் இறக்கவும்.
  • அடுப்பில் இருந்து இறக்கி கடைசியில் சீரகப் பொடி சேர்த்து கிளறவும்.
ஹோல் மில்க் உபயோகப்படுத்துகிறவர்கள் மைதா சேர்க்காமலும் செய்யலாம் ருசி மாறது.0% fat மில்க் சேர்த்து செய்யும் போது மைதா சேர்த்தால் கலவை சற்று கெட்டியாக இருக்கும். அதக்குதான் சேர்க்கிறோம். இது இத்தாலியில் செய்யப்படும் மதிய உணவு. தக்காளி மசிந்து விட கூடாது. கிருஸ்பியாக இருக்கணும்.