டோக்ளா

வழங்கியவர் : asiya omar

தேதி : வியாழன், 09/07/2009 - 08:16

ஆயத்த நேரம் :

சமைக்கும் நேரம் : 30 நிமிடம்

பரிமாறும் அளவு : 4 நபர்களுக்கு

கொண்டைக்கடலை - 1 கப்

காய்ந்த பட்டாணி - அரை கப்

பேக்கிங் சோடா - அரை-முக்கால் டீஸ்பூன்

பச்சை மிளகாய் - 3

இஞ்சி - சிறு துண்டு

கறிவேப்பிலை, மல்லி இலை - சிறிது

பெருங்காயத்தூள் - 2 பின்ச்

தேங்காய் துருவியது - 1 டேபிள்ஸ்பூன்

எண்ணெய் - 2 டேபிள்ஸ்பூன்

கடுகு - அரைஸ்பூன்

வற்றல் - 2

உப்பு - தேவைக்கு

கொண்டைக்கடலை, பட்டாணியை இரவு முழுவதும் ஊறவைத்து எடுத்து வைக்கவும்.

மிக்ஸியில் ஊறவைத்த கொண்டைக்கடலை, பட்டாணியுடன் இஞ்சி, மிளகாய், உப்பு, பெருங்காயத்தூள், தண்ணீர் சிறிது சேர்த்து அரைத்து எடுக்கவும். பேக்கிங் சோடா கலந்து கொள்ளவும்.

இதனை எலெக்ட்ரிக் ரைஸ் குக்கரில் ஸ்டீமரில் எண்ணெய் தடவி பரத்தி 20-30 நிமிடம் வேக வைக்கவும். அல்லது தட்டில் வைத்து குக்கரில் அல்லது இட்லி பாத்திரத்தில் அவித்து எடுக்கலாம்.

பின்பு ஆற வைக்கவும். சிறிய சதுர துண்டுகளாக கட் செய்யவும். கடாயில் ஒரு டேபிள்ஸ்பூன் எண்ணெய் விட்டு கடுகு, வற்றல், கறிவேப்பிலை தாளித்துக் டோக்ளா மீது கொட்டவும். மல்லி இலை, தேங்காய் துருவல் தூவி பரிமாறவும். விருப்பட்டால் தேங்காய் சட்னியுடன் சாப்பிடலாம்.

கருத்து தெரிவிக்கஉள்நுழைக அல்லது பெயர்ப்பதிவு செய்க.
அச்சிடுவதற்கு ஏற்ற பக்கம்