பட்டர் மட்டன்
வழங்கியவர் : asiya omar
தேதி : வியாழன், 16/07/2009 - 22:09
ஆயத்த நேரம் : 15 நிமிடம்
சமைக்கும் நேரம் : 30 நிமிடம்
பரிமாறும் அளவு : 6 நபர்களுக்கு
- ஆட்டு இறைச்சி - அரைக்கிலோ
- வெங்காயம் - 3
- தக்காளி - 2 - 3
- பழுத்த மிளகாய் - 4
- இஞ்சி பூண்டு பேஸ்ட் - 2 டீஸ்பூன்
- கரம் மசாலா - அரைஸ்பூன்
- மல்லி இலை - சிறிது
- சில்லி பவுடர் - அரைஸ்பூன்
- தயிர் - 1 டேபிள் ஸ்பூன்
- எண்ணெய் - 4 டீஸ்பூன்
- பட்டர் - 2 -3 டீஸ்பூன்
- ஃப்ரெஷ் கிரீம் - 2 டீஸ்பூன்
- உப்பு - தேவைக்கு
- மட்டனை சுத்தம் செய்து துண்டுகளாக்கி நன்கு 3 தண்ணீர் வைத்து கழுவி வடிக்கட்டிக்கொள்ளவும். மட்டனில் 1 டீஸ்பூன் இஞ்சி பூண்டு, அரைஸ்பூன் சில்லி பவுடர், தயிர், தேவைக்கு உப்பு சேர்த்து சிறிது ஊறவைக்கவும். வெங்காயம், தக்காளி, மல்லி இலை கட் செய்து கொள்ளவும். கட் செய்ததை பாதி பாதியாக பிரித்து வைக்கவும்.
- குக்கரில் ஊறிய மட்டனோடு பாதி வெங்காயம், தக்காளி, மல்லி இலை சேர்த்து 3 விசில் வைத்து எடுக்கவும்.
- பின்பு ஒரு கடாயில் எண்ணெய் விட்டு பாதி இருக்கும் வெங்காயம், தக்காளி, இஞ்சிபூண்டு, கரம்மசாலா, பழுத்த மிளகாய் வதக்கி ஆறவைத்து மிக்ஸியில் அரைத்து எடுக்கவும்.
- அரைத்ததை வேக வைத்த மட்டனில் சேர்க்கவும். மட்டனும் க்ரேவியுமாக சேர்ந்து கொதி வரும்.
- இறுதியாக 2 ஸ்பூன் பட்டர், ஃப்ரெஷ் கிரீம், மல்லி இலை தூவி பரிமாறவும். சுவையான பட்டர் மட்டன் ரெடி. இதனை ஃப்ரைட் ரைஸ், நாண், சப்பாத்தி, பரோட்டாவுடன் பரிமாறவும்.
Note:
இந்த ரெசிப்பி எங்கள் உறவினர் ஒருவர் செஃப் ஆக இருக்கிறார். அவர் கொடுத்த டிப்ஸில் செய்து பார்த்தேன் அருமையாக வந்தது. அவர் சிக்கனில் சொன்னார், நான் மட்டனில் செய்து பார்த்தேன், புதுமையாக இருக்கட்டுமே என்று நம் அறுசுவை தோழிகளுக்காக உடனே கொடுத்தேன்.
- கருத்து தெரிவிக்கஉள்நுழைக அல்லது பெயர்ப்பதிவு செய்க.
- அச்சிடுவதற்கு ஏற்ற பக்கம்
Fresh Cream yentral enna?