இஞ்சியை தோல் சீவி சிறு சிறுத் துண்டுகளாக நறுக்கிக் கொள்ளவும். பூண்டை தோல் உரித்து எடுத்துக் கொள்ளவும். புளியை சிறிது சிறிதாக பிய்த்து வைத்துக் கொள்ளவும்.

வாணலியில் மிளகாய் வற்றலை போட்டு ஒரு நிமிடம் வதக்கி எடுத்து வைத்துக் கொள்ளவும்.

அடுத்து பூண்டு மற்றும் இஞ்சியை போட்டு ஒரு நிமிடம் வதக்கி எடுத்து வைத்துக் கொள்ளவும்.

மிக்ஸியில் வதக்கிய மிளகாய் வற்றல், பெருங்காய துண்டு போட்டு அரைத்துக் கொள்ளவும். அதனுடன் உப்பு, புளி மற்றும் 2 மேசைக்கரண்டி தண்ணீர் ஊற்றி அரைக்கவும்.

அதில் வதக்கி வைத்திருக்கும் இஞ்சி பூண்டை போட்டு விழுதாக அரைத்து எடுத்துக் கொள்ளவும்.

வாணலியில் எண்ணெய் ஊற்றி காய்ந்ததும் கடுகு தாளித்து அதில் அரைத்த விழுதை போட்டு கிளறி விடவும்.

கைவிடாமல் 5 நிமிடம் கிளறிக் கொண்டே இருக்கவும். கலவை நன்கு கெட்டியாக ஆனதும் இறக்கி வைத்து விடவும். காரம் அதிகமானால் இன்னும் சிறிது எண்ணெய் சேர்த்துக் கிளறி கொள்ளவும்.

இஞ்சி பூண்டு ஊறுகாய் தயார். இதை இட்லி, தோசைக்கு கூட தொட்டுக் கொள்ளலாம். விருப்பப்பட்டால் ஒரு சிறிய துண்டு வெல்லம் சேர்த்துக் கொள்ளலாம். இதை பாட்டிலில் போட்டு வைத்துக் கொண்டு கைப்படாமல் பயன்படுத்தினால் ஒரு மாதம் வரை கெடாமல் இருக்கும். இந்த குறிப்பினை செய்து காட்டியவர் திருமதி. ராஜேஸ்வரி அவர்கள்.