ரோஸ் மரினோ காரட் சூப்

வழங்கியவர் : Vr Scorp

தேதி : வியாழன், 01/10/2009 - 12:29

ஆயத்த நேரம் : 5 நிமிடம்

சமைக்கும் நேரம் : 25 நிமிடம்

பரிமாறும் அளவு : 3

காரட் - 75 கிராம்

பீன்ஸ் - 15 கிராம்

செலரி தண்டு - 10 கிராம்

பேபி கார்ன் - 15 கிராம்

வெங்காயம் - ஒன்று

ரோஸ் மரினோ - 3

சோளமாவு - 3 தேக்கரண்டி

குடைமிளகாய் - ஒரு தேக்கரண்டி

பூண்டு - 3 தேக்கரண்டி

பிரட் க்ரம்ப்ஸ் - ஒரு கப்

ஆலிவ் எண்ணெய் - 3 தேக்கரண்டி

தக்காளி - ஒன்று

ஜவ்வரிசி மாவு - ஒரு தேக்கரண்டி

உப்பு - தேவையான அளவு

காரட்டை வேகவைத்து நன்கு மசித்து வைத்து கொள்ளவும்.

சோளமாவுடன் சிறிது பால் சேர்த்து கட்டி இல்லாமல் கரைத்து வைத்து கொள்ளவும்.

எண்ணெய் சூடானதும் பொடியாக நறுக்கிய பூண்டு, வெங்காயம், செலரி, பீன்ஸ், காரட், ரோஸ் மரினோ சேர்த்து வதக்கவும்.

பின்னர் பொடியாக நறுக்கிய பேபி கார்ன் சேர்த்து கிளறவும்.

உப்பு மற்றும் ஜவ்வரிசி மாவு சேர்த்து 2 கப் தண்ணீர் ஊற்றி கொதிக்கவிடவும்.

10 நிமிடத்திற்கு பின்னர் நறுக்கிய தக்காளியை சேர்க்கவும்.

5 நிமிடத்துக்கு பிறகு மசித்த காரட்டை சேர்க்கவும்.

சோளமாவு கலவை சேர்த்து ஒரு கொதி வந்ததும் இறக்கவும்.

Note:

தேவையானால் வெள்ளை மிளகு தூள் சேர்த்து பரிமாறலாம்.