ஜவ்வரிசி இட்லி

வழங்கியவர் : Vr Scorp

தேதி : செவ்வாய், 06/10/2009 - 19:30

ஆயத்த நேரம் :

சமைக்கும் நேரம் :

பரிமாறும் அளவு :

ஜவ்வரிசி (சிறியது) - அரை கப்

பச்சரிசி ரவை - 1 1/2 கப்

தயிர் - 1 1/2 கப்

ஊறவைத்த கடலைப்பருப்பு - ஒரு தேக்கரண்டி

துருவிய தேங்காய் - ஒரு கப்

சமையல் சோடா - கால் தேக்கரண்டி

கடுகு - ஒரு தேக்கரண்டி

பச்சை மிளகாய் - 4

எண்ணெய் - 1 1/2 மேசைக்கரண்டி

உப்பு - தேவையான அளவு

முந்திரி - 2 தேக்கரண்டி

கறிவேப்பிலை - கால் கப்

கொத்தமல்லி இலை - கால் கப்

ஜவ்வரிசி, அரிசி ரவா, உப்பு அனைத்தையும் தயிரில் ஆறு மணி நேரம் ஊறவைக்க வேண்டும்.

வாணலியில் கடுகு, முந்திரி, பச்சை மிளகாய் ஆகியவற்றை தாளித்து ஊறவைத்த கலவையில் கொட்டவும்.

ஊறவைத்த கடலை பருப்பு, துருவிய தேங்காய், பொடியாக நறுக்கிய கறிவேப்பிலை, மல்லி இலை ஆகியவற்றை ஊறவைத்த ஜவ்வரிசி, அரிசிரவை கலவையில் கொட்டி நன்கு கிளறவும்.

சமையல் சோடா சேர்த்து கலக்கி இட்லி தட்டில் இட்லியாக ஊற்றி எடுக்கவும்.

தேங்காய் சட்னி, புதினா சட்னி, தக்காளி சட்னியுடன் சாப்பிட அருமையாக இருக்கும்.