மீனை சுத்தம் செய்து எடுத்து வைத்துக் கொள்ளவும். சின்ன வெங்காயத்தை தோல் உரித்து கழுவி வைக்கவும்.

ஒரு பாத்திரத்தில் ஒன்றரை கப் தண்ணீர் ஊற்றி மீன் துண்டுகள், மிளகாய் தூள், மஞ்சள்தூள், உப்பு சேர்த்து வேக வைக்கவும்.

மீன் வெந்ததும் எடுத்து ஆற வைத்து முள் நீக்கி தனியே எடுத்து வைக்கவும். அரைக்க கொடுத்துள்ளவற்றை தண்ணீர் சேர்க்காமல் கரகரப்பாக அரைத்து வைக்கவும். தாளிக்க வேண்டியவற்றை தயாராக எடுத்துக் கொள்ளவும். சின்ன வெங்காயத்தை பொடியாக நறுக்கி வைக்கவும்.

வாணலியில் எண்ணெய் ஊற்றி சூடானதும் கடுகு, உளுந்து, சோம்பு, கறிவேப்பிலை போட்டு தாளிக்கவும்.

அதில் நறுக்கி வைத்திருக்கும் சின்ன வெங்காயம் சிறிது உப்பு சேர்த்து 3 நிமிடம் வதக்கவும்.

வதக்கியவற்றுடன் உதிர்த்து வைத்திருக்கும் மீன், அரைத்த மசாலா சேர்த்து 3 நிமிடம் கிளறி விடவும். தேவைப்பட்டால் சிறிது உப்பு சேர்த்துக் கொள்ளவும்.

சுவையான முள்ளுவாளை துவரன் தயார். இந்த குறிப்பினை நமது அறுசுவை நேயர்களுக்காக செய்து காட்டியவர் திருமதி. கவிசிவா அவர்கள். இந்த குறிப்பினை நீங்களும் செய்து பார்த்து உங்கள் கருத்தினை பகிர்ந்துக் கொள்ளவும்.