கீரை குழம்பு (ஈசி முறை)

வழங்கியவர் : Subha Jayaprakash

தேதி : திங்கள், 11/01/2010 - 12:35

ஆயத்த நேரம் : 15 min

சமைக்கும் நேரம் : 30 min

பரிமாறும் அளவு : 2 நபர்களுக்கு

துவரம் பருப்பு -- 1 கைப்பிடி அளவு (வேகவைத்தது)

கீரை -- 2 கைப்பிடி (சுத்தம் செய்தது)

சாம்பார் தூள் -- 2 டேபிள் ஸ்பூன்

சின்ன வெங்காயம் -- 10 என்னம் (வட்டமாக நறுக்கியது)

தக்காளி -- 1 என்னம்

பச்சை மிளகாய் -- 2 என்னம்

கறிவேப்பிலை -- 1 இனுக்கு

புளி -- 1/4 கோலி அளவு

தாளிக்க:

கடுகு , உளுந்து -- 1/4 டீஸ்பூன்

கறிவேப்பிலை -- 1 இனுக்கு

சிவப்பு மிளகாய் -- 2 என்னம்

ஒரு பாத்திரத்தில் சுத்தம் செய்த கீரை,வெங்காயம், தக்காளி, புளி, கறிவேப்பிலை,சாம்பார் தூள், 2 கப் தண்ணீர் சேர்த்து நன்கு வேகவைக்கவும்.

பின் ஆறவைத்து கடைந்தாலும் சரி இல்லை எனில் மிக்ஸியில் 2 நொடி அடித்து (திப்பி திப்பியாக) வைக்கவும்.

வாணலியில் எண்ணைய் ஊற்றி காய்ந்ததும் கடுகு,உளுந்து தாளித்து மிளகாய், கறிவேப்பிலையை போட்டு அரைத்த கீரை விழுதை ஊற்றி வேகவைத்த பருப்பையும் சேர்க்கவும்.

பின் தேவையான உப்பு சேர்த்து ஒரு கொதி வந்ததும் இறக்கி பறிமாறவும்.

சுவையான கீரைகுழம்பு ரெடி.