பெரிய வெங்காயத்தை தோல் உரித்து பொடியாக நறுக்கிக் கொள்ளவும். சம்பா கோதுமையை புடைத்து சுத்தம் செய்துக் கொள்ளவும். தேங்காயை துருவிக் கொள்ளவும்.

முதலில் மிக்ஸியில் மிளகாய் வற்றல், பெருங்காயம், சீரகம், உப்பு, புளி ஆகியவற்றை போட்டு பொடியாக அரைக்கவும்.

அதன் பின்னர் அதில் சுத்தம் செய்து வைத்திருக்கும் கோதுமை ரவை மற்றும் கால் கப் தண்ணீர் ஊற்றி கொரகொரப்பாக அரைக்கவும்.

அரைத்த பிறகு அதில் தேங்காய் துருவல் சேர்த்து விழுதாக அரைத்துக் கொள்ளவும்.

பிறகு ஒரு பாத்திரத்தில் அல்லது தட்டில் அரைத்த விழுதை போட்டு அதில் நறுக்கின வெங்காயம் மற்றும் கறிவேப்பிலை சேர்த்து பிசைந்துக் கொள்ளவும்.

பிறகு தோசைக்கல்லை அடுப்பில் வைத்து எண்ணெய் தடவி காய்ந்ததும் பிசைந்து வைத்திருக்கும் மாவை ஒரு பெரிய எலுமிச்சை அளவு உருண்டையாக உருட்டி தோசைக்கல்லில் வைத்து அடையாக தட்டவும்.

அடையின் மேல் எண்ணெய் ஊற்றி வெந்ததும் 2 நிமிடம் கழித்து திருப்பி போட்டு வெந்ததும் எடுக்கவும்.

சம்பா கோதுமை ரவா அடை தயார். இதை மிக எளிதில் செய்து விடலாம். பெரிய வெங்காயம் பிடிக்காதவர் சின்ன வெங்காயம் சேர்த்து செய்யலாம். உடல் ஆரோக்கியத்துக்கு மிகவும் ஏற்ற சிற்றுண்டி. இதை தேங்காய் சட்னி தொட்டு சாப்பிடலாம். பாரம்பரிய சமையல், கிராமத்து சமையலில் நிறைந்த அனுபவம் வாய்ந்த திருமதி. மங்கம்மா அவர்கள் இந்த சம்பா கோதுமை ரவை அடை நமக்காக செய்து காட்டியுள்ளார்.