வெங்காயத்தை பொடியாக நறுக்கிக் கொள்ளவும். பச்சை மிளகாயை இரண்டாக கீறி வைக்கவும்.

ஒரு பாத்திரத்தில் மைதா மாவு, அரிசி மாவு, வெங்காயம், பச்சை மிளகாய் போட்டு பிசறி உப்பு, சோடா உப்பு சேர்த்து பிசையவும்.

அதில் அரை கப் தண்ணீரை சிறிது சிறிதாக ஊற்றி தோசை மாவு பதத்திற்கு கரைத்து வைத்துக் கொள்ளவும்.

வாணலியில் எண்ணெய் ஊற்றி காய்ந்ததும் கரைத்து வைத்திருக்கும் மாவை ஒரு கரண்டி எடுத்து ஊற்றவும். இதை போல 5 கரண்டி ஊற்றவும்.

30 நொடி கழித்து திருப்பி போட்டு வெந்ததும் எடுக்கவும். ஒரு முறைக்கு 5 போண்டாக்கள் போட்டு எடுக்கலாம்.

எளிதில் செய்யக்கூடிய மாலை நேர சிற்றுண்டி இது. இந்த எளிமையான குறிப்பினை நமது அறுசுவை நேயர்களுக்காக செய்து காட்டியவர் திருமதி. சரசா சுப்ரமணியன் அவர்கள்.