கீரையை ஆய்ந்து கழுவி வைக்கவும். தக்காளி மற்றும் வெங்காயத்தை துண்டுகளாக நறுக்கி வைக்கவும்.

வாணலியில் ஒரு மேசைக்கரண்டி எண்ணெய் ஊற்றி காய்ந்ததும் கடுகு, உளுத்தம் பருப்பு, கடலை பருப்பு, பெருங்காயம் போட்டு 30 நொடி வதக்கவும்.

அதில் நறுக்கின வெங்காயம், தக்காளி, பச்சை மிளகாய் போட்டு 2 நிமிடம் வதக்கவும்.

வெங்காயம், தக்காளி வதங்கியதும் அதனுடன் ஆய்ந்து வைத்திருக்கும் கீரையை போட்டு வதக்கவும்.

அதனுடன் புளி, இஞ்சி, உப்பு போட்டு ஒரு நிமிடம் வதக்கி விட்டு தேங்காய் சேர்த்து வதக்கி ஆற வைக்கவும்.

ஆறியதும் மிக்ஸியில் வதக்கியவற்றை போட்டு தண்ணீர் சேர்த்து அரைத்து எடுத்து வைக்கவும். சுவையான வல்லாரை துவையல் ரெடி. இந்த குறிப்பினை நமக்காக செய்து காட்டியவர் திருமதி. சாந்தி விஸ்வநாதன் அவர்கள்.