இறாலை சுத்தம் செய்து கழுவி எடுத்துக் கொள்ளவும். வெங்காயத்தை பொடியாக நறுக்கிக் கொள்ளவும்.

பொட்டுகடலை, தேங்காய் துருவல் சேர்த்து அம்மியில் அல்லது மிக்ஸியில் வைத்து அரைத்து எடுத்துக் கொள்ளவும்.

சுத்தம் செய்த இறாலையும் நன்கு மையாக அரைத்து எடுத்து வைத்துக் கொள்ளவும்.

பிறகு தேங்காய் விழுதுடன் அரைத்த இறால், மிளகாய் தூள், சோம்பு தூள், மஞ்சள் தூள், உப்பு, நறுக்கின வெங்காயம் சேர்த்து பிசைந்து கொள்ளவும்.

வாணலியில் எண்ணெய் ஊற்றி காய்ந்ததும் பிசைந்த மாவை உருண்டையாக உருட்டி கையில் வைத்து தட்டி எண்ணெயில் போடவும்.

இரு பக்கமும் வெந்ததும் எண்ணெயை வடித்து விட்டு எடுக்கவும்.

சுவையான இறால் வடை தயார். இந்த வடை குறிப்பினை நமது அறுசுவை நேயர்களுக்காக விளக்கப்படங்களுடன் செய்து காட்டியவர் திருமதி. செல்வி செந்தில் அவர்கள். நீங்களும் செய்து பார்த்து உங்கள் கருத்தினை பகிர்ந்துக் கொள்ளவும்.