குழந்தைக்கு என்ன உணவு கொடுக்கலாம் - தளிகா

குழந்தை உணவு

இன்றைய காலகட்டத்தில் தனிக்குடித்தனம் என்பது அதிகமாகிவிட்டது. வெளிநாடு, வெளி மாநிலங்கள், வெளியூர்களில் வேலை என்று இருப்பதால், இது தவிர்க்க இயலாததும் ஆகிவிட்டது. பெரியவர்கள் துணை மற்றும் ஆலோசனை இல்லாத காரணத்தால் நிறைய தாய்மார்களுக்கு குழந்தை வளர்ப்பில் நிறைய சந்தேகங்கள் தோன்றும். பெரும்பாலான இளம் தாய்மார்கள் வருந்துவதும், குழம்புவதும் குழந்தையின் உணவு விசயத்தில்தான். எந்தக் காலக்கட்டத்தில் என்ன உணவு கொடுப்பது என்பது அனுபவசாலியான தாய்மார்களுக்குக்கூட தடுமாற்றம் தரும் விசயமாக இருக்கிறது.

என்னதான் மருத்துவர்கள் ஆலோசனை வழங்கினாலும், சில நேரங்களில் மருத்துவர்கள் பரிந்துரைப்பது மட்டும் போதுமானதாக இருப்பதில்லை. பெரியவர்களிடம் கேட்டால், சமையல் குறிப்பில் தேவையான உப்பு என்பது போல், சிலர் "கொஞ்சமாக கொடுங்கள்" என்பார்கள், சிலர் "எல்லாமே கொடுக்கலாம்" என்பார்கள். 'கொஞ்சமாக' என்றால் எவ்வளவு என்பது யாருக்கு தெரியும்? எல்லாமே கொடுக்கலாம் என்றால் மட்டன் பிரியாணி கொடுக்கலாமா என்று கேட்கத் தோன்றும். எனவே, இந்த உணவு விசயத்தை இந்த பாகத்தில் கொஞ்சம் தெளிவாக விளக்கவேண்டும் என்பது எனது விருப்பம்.

என்ன உணவு கொடுக்கலாம்?

குழந்தைக்கு உணவு கொடுத்தல் என்பது சாதாரண செயல். சத்தான உணவு கொடுத்தல் என்பது பொறுப்பான செயல். வளரும் குழந்தைக்கு வெறும் உணவு என்பதைவிட சத்தான உணவு கொடுத்தல் ஒவ்வொரு தாயின் கடமை. பிற்காலத்தில் குழந்தையின் பெரும்பாலான ஆரோக்கியம் சம்பந்தமான விசயங்களை, ஆரம்ப நாட்களே முடிவு செய்கின்றன. எனவே, பிறந்த தினத்தில் இருந்து குழந்தையின் உணவு விசயத்தில் அதிக அக்கறை செலுத்துதல் மிகவும் அவசியமான ஒன்று.

குழந்தைக்கு ஒரு வருடத்திற்குள் என்னென்ன உணவைக் கொடுக்கலாம் என்பதைப் பற்றி என் அனுபவத்தில் கற்றுக் கொண்டதை, எனது குழந்தைகளின் மருத்துவர் உதவியோடு இங்கு எழுதுகிறேன். 6 மாதம் வரை தாய்பால் மட்டுமே போதுமானது. ஒருவேளை தாய்ப்பால் குழந்தைக்கு போதவில்லை என்ற சந்தேகம் எழுந்தால், மருத்துவரை சந்தித்து கேட்டால் அவர் குழந்தையின் எடை, ஆரோக்கியம் இவற்றைக் கணக்கிட்டு எப்பொழுது என்ன மாதிரியான திட உணவு கொடுக்கலாம் என்பதை சொல்வார்.

பிறந்த குழந்தைக்கு குறைந்தது நாலு மாதம் வரை தாய்ப்பால் மட்டும் போதுமானது. மருத்துவர்கள் 6 மாதம் வரை தாய்ப்பால் மட்டுமே கொடுக்க வேண்டும் என்பதை பரிந்துரைப்பார்கள். குழந்தை பிறந்து 4 மாதங்களுக்கு அல்லது 6 மாதங்களுக்கு பின்னரே திட உணவு கொடுக்க தொடங்க வேண்டும்.

திட உணவு தயாரிக்க குழந்தைக்கு ஃபார்முலா மில்க் தேவையில்லை. பசும்பாலே போதுமானது. பசும்பாலை ஒரு வயதிற்கு மேல் தான் கொடுக்கவேண்டும் என்பதைக் கேட்டு பசும்பாலையே தவிர்க்க வேண்டிய அவசியம் இல்லை. திட உணவுக்கு சிறந்தது பசும்பால் தான் என்றாலும், விரும்பினால் ஃபார்முலாவிலும் கலந்து செய்யலாம். ஃபார்முலாவை சேர்த்தே கூழ் காய்ச்சக் கூடாது. அதிலுள்ள சத்துக்கள் நிறைய அழிந்து விடும். கூழ் காய்ச்சிய பிறகு, கடைசியாக ஃபார்முலாவை கலந்து ஊட்ட வேண்டும்.

குழந்தைக்கு முதன்முறையாக உணவை கொடுக்கும்போதே இந்த அளவு கொடுத்துவிட வேண்டும் என்று முடிவு செய்து கொண்டு திணிக்கக்கூடாது. சில குழந்தைகள் 6 மாதங்கள் வரை திட உணவு சாப்பிட தயாராகாது. குழந்தையின் விருப்பத்தை புரிந்து கொண்டு உணவு புகட்ட வேண்டும். இதற்கு கொஞ்சம் பொறுமை தேவைப்படும். ரெடிமேட் உணவுகளை விட, வீட்டில் தயாரித்துக் கொடுக்கும் உணவே எப்போதும் சிறந்தது. அரிசி கூழ் முதல் உணவாக கொடுக்க ஏற்றது. நன்கு வெந்த சாதத்தை 1/2 கப் தண்ணீரில் நன்கு அடித்து, வடிகட்டி கஞ்சி போல் செய்து முதல் நாள் ஒரு ஸ்பூன் அளவு கொடுக்கலாம். விரும்பினால் ஒரு மேசைக்கரண்டி வரை கொடுக்கலாம். அதனையே முதல் நான்கு நாட்களுக்கு கொடுத்துப் பார்க்க வேண்டும். பிறகு அதனை மெல்ல 4 மேசைக்கரண்டி என்ற அளவில் அதிகப்படுத்தி கொடுக்கலாம். முதல் சில வாரங்களுக்கு காலை வேளையில் மட்டும் கொடுத்து, பின்னர் மெல்ல இரவிலும் கொடுக்க ஆரம்பிக்கலாம்.

குழந்தையின் ஆரோக்கியத்திற்கு மிகவும் நல்லது கேழ்வரகு, கோதுமை கூழ் போன்றவை. கேழ்வரகை முதல் நாள் இரவே தண்ணீரில் 1/2 கப் அளவில் ஊறவிட்டு, அடுத்த நாள் கழுவி வடித்து, மிக்சியில் தண்ணீர் சேர்த்து அரைக்கவும். பின்பு அதனை வடித்தால் கேழ்வரகு பால் கிடைக்கும். இதிலிருந்து 2 ஸ்பூன் கேழ்வரகு பாலும், பசும்பாலும் கலந்து கூழ் காய்ச்சிக் கொடுக்கலாம். மீதமான கேழ்வரகு பாலை 3 நாள் வரை கூட ஃப்ரிட்ஜில் வைத்து, தேவைக்கு எடுத்து கூழ் செய்து கொள்ளலாம்.

வேக வைத்த சாதத்தை மசித்து கஞ்சி போல கொடுக்கலாம். இட்லி, தோசை சாம்பார் கொடுக்கலாம். ஓட்ஸ், சத்து மாவு, ராகிப் பொடியை பாலுடன் கலந்து கூழ் போல் காய்ச்சிக் கொடுக்கலாம். சப்பாத்தியை பாலில் ஊறவைத்து மசித்துக் கொடுக்கலாம். காய வைத்துப் பொடித்த கேரள நேந்தரன் வாழைக்காய் பொடியை பாலுடன் காய்ச்சிக் கொடுக்கலாம்.

குழந்தைக்கு 6 மாதத்திற்குப் பிறகு தயிர் கொடுக்கலாம். வேகவைத்த முட்டையின் மஞ்சள் கருவை கொடுக்கலாம். 11 மாதம் முடிவடைந்தவுடன் வெள்ளைப் பகுதியையும் கொடுக்கலாம். வேக வைத்த காய்கறி, பருப்புடன் சாதமும், நெய்யும் கலந்து மசித்துக் கொடுக்கலாம்.

பலவகையான தானியங்களை கலந்து சத்து மாவு காய்ச்சி கொடுப்பார்கள். அதனுடன் சீவி காயவைத்த மரவள்ளி கிழங்கு மற்றும் சீவி காயவைத்த நேந்தரன் காயையும் சேர்த்து பொடித்து கூழ் காய்ச்சினால் மிகவும் நல்லது. மீன், ஆட்டிறைச்சி போன்றவற்றை 7 மாதத்திற்குப் பிறகு சூப்பாக முதலில் கொடுக்கலாம். பிறகு மெல்ல மிக்சியில் அடித்துக் கொடுக்கலாம். குழந்தையின் உணவில் இனிப்பு சேர்ப்பது நல்லதல்ல. அப்படி சேர்க்க விரும்பினால் வெல்லத்தை சேர்த்துக் கொடுக்கலாம். 7 மாதம் முடிந்தபிறகு கேரள நேந்தரன் பழத்தை வேக வைத்து, நடுவில் உள்ள விதையை நீக்கி அரைத்து கொடுக்கலாம். இது மிகவும் சத்தானது.

முதன்முதலாக குழந்தைக்கு உணவு கொடும்போது மிக்ஸியில் நன்கு அடித்து விட்டு பேஸ்ட் போல் செய்து (ஆப்பம் மாவு பதத்திற்கு) கொடுக்க வேண்டும். பிறகு ஒரு 7 மாதம் ஆனவுடன் மெல்ல பேஸ்ட் போல் அடிக்காமல் கைய்யாலோ ஃபோர்காலோ மசித்து விட்டு கொடுக்கவேண்டும். குழந்தை பேஸ்டாகவே சாப்பிட்டு பழகினால் பிறகு மசிக்காமல் உணவை சாப்பிடவே செய்யாது. பிறகு ஒரு வருடம் முடிவதற்கு முன்னரே மசித்து கொடுப்பதையும் நிறுத்தி விட்டு, அப்படியே சிறிய சிறிய துண்டுகளாகக் கொடுத்து சாப்பிட பழக்க வேண்டும்.

குழந்தைக்கு ஏற்ற பழ வகைகள்

வாழைப்பழம் - ஒரு (முட்)கரண்டியால் பழத்தை கட்டியில்லாமல் நன்றாக மசித்து, சிறிது பால் கலந்து கொடுக்கலாம். முதலில் கால் பழம் அளவிற்கு கொடுத்து பழக்கப்படுத்திய பிறகு, சிறிது சிறிதாக அதிகரித்து ஒரு பழம் வரை கொடுக்கலாம்.

ஆப்பிள் - ஆப்பிளை இட்லி தட்டில் வேக வைத்து, மசித்து, பாலுடன் கலந்து அல்லது அப்படியே கொடுக்கலாம். சில குழந்தைகளுக்கு ஆப்பிள் மலச்சிக்கலை உண்டாக்கிவிடும். அந்த பிரச்சனை இருந்தால் ஆப்பிளை தவிர்த்து பப்பாளி கொடுக்கலாம்.

அவக்கோடா எனப்படும் பட்டர் ஃப்ரூட்டும் மிகவும் நல்லது. இதில் கொழுப்புச் சத்து அதிகம். நன்றாக பழுத்த பழத்தை மசித்து கொடுக்கலாம். வளரும் குழந்தைகளுக்கு கொழுப்புச் சத்து மிகவும் அவசியம்.
அதனால் குழந்தைகளுக்கு கொடுக்கும் பாலில் தண்ணீர் கலப்பது சரியல்ல.

பியர்ஸ் பழத்தையும் ஆப்பிள் போலவே வேகவைத்து மசித்து கொடுக்கலாம்.

சப்போட்டாவை குழந்தைகள் விரும்பி சாப்பிடுவார்கள். நல்ல சத்துள்ள பழ வகை அது. அதனையும் விதை நீக்கி மசித்துக் கொடுக்கலாம். constipation க்கு பப்பாளிப் பழத்தை மசித்துக் கொடுப்பது நல்ல பலனளிக்கும்.

வேக வைத்து மசித்த காய்கறிகள்:

பழங்களைக் கொடுத்து பழக்கி, 2 வாரத்திற்குப் பிறகு காய்கறிகளை கொடுக்கலாம். காய்கறிகளை நன்கு வேக வைத்து மசித்து, வடிகட்டி நீரை மட்டும் கொடுக்க வேண்டும். குழந்தைக்கு 7 மாதம் வரை வடிகட்டித்தான் கொடுக்க வேண்டும். ஏழு மாதங்களுக்கு பிறகு அப்படியே மசித்துக் கொடுக்கலாம்.
முதலில் 2 ஸ்பூன் விகிதம் கொடுத்து குழந்தைக்கு அது ஒத்துக் கொள்கிறதா என்பதை பார்த்துவிட்டு, பிறகு சிறிது சிறிதாக அளவை அதிகரிக்கலாம். அடர் பச்சை நிறத்தில் உள்ள கீரை வகைகள் மற்றும் கேரட், பரங்கி போன்றவை மிக நல்லது. காய்கறிகளை கொடுக்கும்பொழுது உப்பு சேர்க்க அவசியம் இல்லை. அதிலேயே தேவைக்கேற்ப சோடியம் உள்ளது. காய்கறி பழங்களை இட்லிதட்டில் ஆவியில் வேகவைத்து எடுப்பது நல்லது. அப்போதுதான் அதிலுள்ள சத்துக்கள் வீணாகாது.

இரும்புச் சத்துக்கு தேவையானது வைட்டமின் சி. அதனால் திட உணவுடன் ஆரஞ்ச் ஜூஸ் கொடுக்கலாம். முதல் சில மாதங்கள் தண்ணீர் கலந்து ஆரஞ்ச் ஜூஸ் கொடுப்பது நல்லது. புளிப்புள்ள பழ வகைகளை குழந்தைக்கு பார்த்து தான் கொடுக்கவேண்டும். சில குழந்தைகளுக்கு அது ஒத்துக் கொள்ளாது. உதட்டை சுற்றிலும் சிறிய சிவப்பு நிற பருக்கள் போல் தோன்றும்.

ஒரு வயதிற்குள் நாம் வீட்டில் என்னென்ன சமைப்போமோ அதையே குழந்தையையும் சாப்பிட பழக்க வேண்டும். ஒரு வயது வரை மிளகாயை அறவே சேர்க்காமல் இருப்பது நல்லது. அதற்கு பதில் மிளகையோ(pepper), குடை மிளகாயையோ சிறிதளவு சேர்க்கலாம்.

எந்த உணவை முதன்முதலாக கொடுப்பதாயினும், நான்கு நாட்கள் கழித்துதான் வேறு ஒரு புதிய உணவைக் கொடுக்க வேன்டும். அந்த நான்கு நாட்களில் குழந்தைக்கு அந்த உணவு ஒத்துகொண்டதா, இல்லையா என்று தெரிய வரும். சில குழந்தைகளுக்கு எது சாப்பிட்டாலும் வயிறு இறுகி கான்ஸ்டிபேஷன் ஆகும். அந்த குழந்தைகளுக்கு காலையில் எழுந்து பால் கொடுப்பதற்கு பதில் இளநீர் கொடுத்தால் வயிறு இளகிவிடும். பழுத்த மாம்பழம் அல்லது பப்பாளிப் பழத்தை கெட்டியாக அடித்து, கூழ் போல் ஊட்டி விடலாம். சரியாகிவிடும்.

ஒவ்வாமை

குழந்தைகளுக்கு சில சமயம் உணவுகளால் ஒவ்வாமை ஏற்படலாம். அதனால் தான் ஒரு புதிய உணவு கொடுத்து நான்கு நாட்கள் காத்திருந்து, வேறு புதிய உணவை கொடுக்க சொல்கின்றார்கள். சில குழந்தைகளுக்கு அது உயிருக்கே ஆபத்தாகக் கூடிய அளவுக்கு கூட ஒவ்வாமை ஏற்படும்.

குறிப்பாக முட்டை, பசும்பால் போன்றவை சில குழந்தைகளுக்கு சுத்தமாக சேராது. உணவு கொடுக்கும்பொழுதே அல்லது சில மணி நேரத்துக்கு பிறகு வாந்தி, வயிற்றுப்போக்கு, வயிற்றுவலி, உடம்பில் பருக்கள் அல்லது சிவப்பு நிற திட்டுக்கள் தோன்றுதல், உதடு வீக்கம், சுவாசக் கோளாறு போன்றவை தோன்றினால் என்ன உணவு கொடுத்தோம் என்று யோசிக்க வேண்டும். குழந்தை மிகவும் அசௌகரியம் காட்டத் தொடங்கினால் உடனடியாக மருத்துவமனைக்கு கொண்டு செல்ல வேண்டும்.

உதாரணத்திற்கு எனக்கு தெரிந்த குழந்தைக்கு முட்டை சேராது. முதன் முறையாக முட்டை கொடுக்கும்போது அழத் தொடங்கி, பிறகு தொண்டை அடைத்து மூச்சு திணறத் தொடங்கிவிட்டது. அதனால் அது போன்ற உணவுகளை முதல் நாள் 1/2 ஸ்பூன் மட்டுமே கொடுத்து பார்க்க வேண்டும். தேனை குழந்தைக்கு ஒரு வயது வரை கொடுக்க கூடாது என்பார்கள். என்றாலும் நம் ஊரில் அதனை கொடுப்பார்கள். அப்படி கொடுக்கும்பட்சத்தில் சிறு தேனீயின் தேனை வாங்கி குழந்தைக்கு கொடுக்கலாம். அது குழந்தைக்கு மருந்தாகும்.

உணவு சாப்பிட மறுத்தால்

சில குழந்தைகள் உணவை விழுங்காமல் நாக்கால் வெளியே தள்ளிவிடும். இந்த செய்கையினால் சோர்ந்து போகாமல் அப்போதைக்கு நிறுத்தி விட்டு, ஒரு வாரம் கழித்து மீண்டும் முயற்சிக்கலாம். குழந்தைகள் இயல்பிலேயே வாயில் படும் பொருட்களை வெளியில் தள்ள முயற்சி செய்யும். நாளடைவில் அந்த பழக்கம் மாறிய பின்னர் உணவை முழுங்கத் தொடங்கும்.

சில குழந்தைகளுக்கு முதன்முறை ஸ்பூனால் கொடுக்கும்பொழுது பிடிக்காமல் போகலாம். உணவை சாப்பிட மறுத்தால், நமது ஆள்காட்டி விரலை நன்கு சுத்தமாக கழுகி அதில் உணவை சிறிய அளவில் தடவி குழந்தைக்கு கொடுக்கலாம். உணவு சுவை பழகிய பின்னர் ஸ்பூன் கொண்டு கொடுக்கலாம்.
ஸ்பூன்கள் கொண்டு உணவு கொடுக்கும் போது மிகவும் எச்சரிக்கையாக இருத்தல் அவசியம். சிறுகுழந்தைகள் படுவேகமாக கையால் தட்டிவிடும். அப்போது குழந்தையின் வாயில், முகத்தில் பட்டுவிட வாய்ப்புள்ளது. அதனால் கூர்மையான, வெட்டும்படி உள்ள சில்வர் ஸ்பூன்களை உபயோகித்தல் கூடாது. குழந்தைகளுக்கென்றே உள்ள பிரத்தியோக குட்டி ப்ளாஸ்டிக் ஸ்பூன்களை பயன்படுத்துவது பாதுகாப்பானது.

சில குழந்தைகள் கூழாகவே சாப்பிட விரும்புவார்கள். சிறிய கட்டிகள் தென்பட்டால் அல்லது சிறிது கட்டியாக இருந்தாலும் சாப்பிட மறுப்பார்கள். மெல்ல அரைத்து ஊட்டுவதை நிறுத்த வேண்டும் என்றாலும், கெட்டியான உணவை விடாப்பிடியாக ஊட்ட முயன்றால் குழந்தைக்கு சாப்பிடுவதில் ஆர்வம் இல்லாமல் போய்விடும். அது சாப்பிட மறுத்து, அதனால் அதற்கு போதிய சத்துக்கள் கிடைக்காமல் போய்விடும் அபாயம் உள்ளது. எனவே எதையும் கட்டாயப்படுத்தாமல், அதன் போக்கிலேயே சென்று கொஞ்சம் கொஞ்சமாக மாற்ற வேண்டும். இப்போது அரைத்த உணவையே கொடுத்து மூன்று நாட்களுக்கொருமுறை ஒவ்வொரு ஸ்பூன் கெட்டியாக மசித்ததையும் கொடுத்து பழக்க வேண்டும்.

நன்றாக சாப்பிடும் சில குழந்தைகள் திடீரென சாப்பிடாமல் இருப்பது அல்லது விரும்பி சாப்பிட்டுக் கொண்டிருக்கும் ஒன்றை திடீரென சாப்பிட மறுப்பது என்பது குழந்தையின் சுபாவம். குழந்தை மறுத்து தலையை திருப்பவோ, துப்பவோ, அழுகவோ செய்தால் நிறுத்தி விட்டு சிறிது நேரத்திற்கு பிறகு கொடுத்து பார்க்க வேண்டும். உணவில் ஆர்வமில்லாத குழந்தைகளை நாம் சாப்பிடும்பொழுது பக்கத்தில் அமர வைத்து சாப்பிட்டால், அதை பார்த்து அவர்களுக்கும் சாப்பிடும் ஆர்வம் வரும்.

குழந்தைகளுக்கு திட உணவு கொடுக்க தொடங்கும் வரை தண்ணீரே தேவையில்லை என்றாலும், முன்பே தண்ணீர் அடிக்கடி கொடுக்காமல் விட்டால் பின்னாளில் தண்ணீர் குடிக்கவே மாட்டார்கள். எனவே நன்கு காய்ச்சி ஆற வைத்த நீரை அவ்வபோது கொடுத்து பழக்க வேண்டும்.

அடுத்த பாகத்தில் சந்திக்கலாம்.

Comments

நான் அவசரமா வெளியில போகிறேன். சரி அறுசுவைல என்ன புதுசா வந்துருக்குன்னு பார்க்கலாம்னு வந்தேன். முதல் பக்கமா இதை ஓப்பன் பண்ணா ஒரு க்யூட் பேபி இருந்துச்சா அதான் கேட்கலாம்னு வந்தேன். இது யாருடைய குழந்தை ரொம்ப க்யூட். ஆர்டிகல இன்னும் முழுதா படிக்கல.போட்டோல உள்ள ரியாக்ஷனுக்கும் கீழ எழுதியிருக்குற வாசகமும் ரொம்ப ஆப்ட்டா இருக்கு இது யாருடைய குறும்புதனம்

ஹாய் தளிகா மெயில் செக் பன்னும் போது ஏன் பா மம்மு கொடுக்கீரீங்க .

all is well

க்யூட் பேபிடா நீங்க. புடிச்சுக்கோ ஒரு உம்மா.

all is well

கட்டுரை நன்றாக இருக்கிறது தளிகா.
ம்... ஹாய் க்யூடீஸ்.. உங்களைக் கண்டு பிடிச்சிட்டேன் என்று நினைக்கிறேன்.... ;)) அழகு குழந்தைகள். ;)

‍- இமா க்றிஸ்

இது அட்மினின் குழந்தையோ செம்ம அழகாக உள்ளது..அதன் கீழ் உள்ள வாசகம் ஒவ்வொன்றும் அதன் முகபாவனைக்கு பொருந்தும்படியாக நகைச்சுவையாக உள்ளது..நன்றி அட்மின்

ஹை... அண்ணா உங்க பொண்ணு தானே??? வளர்ந்துட்டா...!!! ரொம்ப அழகா இருக்கா. செண்பகா'ட சுத்தி போட சொல்லுங்க.

துணிந்தவர் தோற்றதில்லை!!
தயங்கியவர் வென்றதில்லை!!

அன்புடன்,
வனிதா

ஒவ்வொரு ஆர்டிக்களுக்கும் காப்பிரைட் பிரச்சனை இல்லாத படங்களை நெட்டுல தேடி எடுக்கறதுக்குள்ள போதும் போதும்னு ஆயிடுது. சரி, இந்த கட்டுரைக்குதான் நம்ம வீட்டுலேயே மாடல் இருக்காங்களேன்னு எடுத்துப் போட்டுட்டேன்.. :-)

admin ithu unga ponna

all is well

//admin ithu unga ponna//

மேலே உள்ள பதிவை படிச்ச பிறகுமா சந்தேகம்.. :-) சாட்சாத்...

(என்ன எல்லாரும் உங்க பொண்ணுன்னேன்னு சொல்றாங்க.. என் பொண்ணுன்னு ஒருத்தருமே சொல்லலையேன்னு இங்க ஒருத்தங்க உறுமிக்கிட்டு இருக்காங்க.. :-))

//என் பொண்ணுன்னு// அதெப்படி சொல்லுறது! விட்டுருவாங்களா செண்பகா! :) நாங்களெல்லாம் உரிமை கோர முடியுமா என்ன! வேண்டுமானால் ஆசைக்கு 'என் பேத்தி', 'என் மருமகள்' என்று ஏதாச்சும் சொல்லிக்கலாம். ;)

‍- இமா க்றிஸ்

7 மாசத்துக்கு பிறகு மட்டன் சூப் என்ற படத்தில் அப்படியே செண்பகாவும் சிரிப்பும் தான்.

senbaga ithu unga ponnu than pa .azaku kutti

all is well

hai da kutty, hw r u, you are very cute, what is your name, your actions are very nice. take my 1000s of ummas.

ஹாய் admin அண்ணா...
உங்க பாப்பா பாக்க கிட்ட தட்ட என்னோட குட்டி பையன் மாதிரியே இருக்கா...எத்தன மாசம் ஆகுது குட்டிக்கு??? அண்ணிய சுத்தி போட சொல்லுங்க....

SaranyaBoopathi

முதலில் சுற்றி போடுங்க,அட்மின் ஜாடை நல்லாவே தெரியுது,செண்பகா உங்க சாயலும் இருக்கு.நல்ல அறிமுகம்.வாழ்த்துக்கள்,மாடல் பேபி நவீனாவிற்கு.

என்றென்றும் அன்புடன்,
ஆசியா உமர்.

தளிகா ஒண்ணு கூட விடமா அழகா சொல்லி இருக்கீங்க
பாபு அண்ணா நவீனா நல்ல cute நீங்க மாடல் காப்பி ரைட் ஏதும் பண்ணலையா :)

ஹாய் தளிகா...,நலமா..?
ரொம்ப நல்லா தொடர்ந்து எழுதிகிட்டு இருக்கீங்க.
முதலில் எனது வாழ்த்துக்கள்.
என்னதான் எல்லோரும் குழந்தை நல்லமுறையில் வளர்த்து வந்தாலும்,எப்படி எல்லாம் வளர்த்தோம் என்ற முறையை விவரித்து மற்றவரிடம் சொல்வது என்பது கடினம்.(கேட்டால் மட்டுமே அதற்க்கான விளக்கத்தை கொடுப்போம்)
ஆனால் நீங்கள் முதன் முதலில் குழந்தை பெற்று தனியே வாழும் சகோதிரிகளுக்கு ஏற்றார் போல்(இளைய தாய்மார்களுக்கு)நல்ல விரிவான முறையில் எல்லா விஷயங்களையும் எடுத்து சொல்லி எழுதியிருக்கும் நடை மிக அருமை.அதுக்கு ஒரு பெரிய க்ளாப் உங்களுக்கு....
மென்மேலும் தொடர்ந்து எழுத வாழ்த்துக்கள் தளிகா.

அட்மின் அண்ணா...,பொண்ணு ஃபோட்டோவை போட்டு அசத்திட்டீங்க.
ரொம்ப நல்லா இருக்கா.அவள் கண்ணே நிறைய விஷயங்களை பேசும் போலிருக்கு.(யாரோட பொண்ணு செண்பகா,பாபு அண்ணா அவர்களின் பொண்ணாச்சே...)
செண்பகா....கண்ணுபட்டிருக்கும் இனி ஒரு த்ரிஷ்டி பொட்டு வச்சி விட்டு ஃபோட்டோ எடுங்க....

என்றும் அன்புடன்,
அப்சரா.

எந்த ஒரு மனிதனையும் அவர்கள் சக்திக்கு மீறி இறைவன் சோதிப்பதில்லை.

ஹாய் தளிகா மேடம், என் பொண்ணுக்கு 9 வது மாதம் நடக்குது. 8 மாதம் வரை எந்த வாலும் பண்ணாம சமத்தா நான் குடுக்கிறத சாப்பிட்டுக்கிட்டு இருந்தாள்!. இப்பொதான் 2 வாயுக்கு அப்பொறம் உலக உருண்டைய காமிக்கிற மாதிரி வாய முடாம வைச்சுக்கிறாள். கொஞ்ச நேரம் கழிச்சு கொடுத்தாலும் இதே வேலைதான்.எல்லாரும் உக்காந்து சாப்பிடும் போது ரொம்ப குஷியா டேஷ்ட் பண்ணிப்பார்க்கிறா. அடுத்த நாள் கொடுத்தா சாப்பிடமாட்டேங்கிறா.தாய்ப்பால் கொடுத்துட்டுதான் இருக்கேன். வேற பால் டேஷ்ட் புடிக்கல. இத்தனைக்கும் ஒரளவுக்கு உணவு பதார்த்தங்கள் பழக்கப்படுத்தியாச்சு. தாய்ப்பால் கொடுக்கிறத கம்மிபண்ணிப் பாருன்னு சொல்றாங்க . என் முதல் பையனுக்கு 2 வயதுவரை கொடுத்தேன். இவளுக்கும் கொடுக்கணும்னுதான் இருக்கேன்.
(வேற எதுவும் வேண்டாம்னு பிடிவாதமா பால் மட்டுமே குடிக்கிறா. பல் இன்னும் வரல. நல்லா ஒடற மாதிரி தவளறா.எதையாவது பிடிச்சுட்டு நிக்கிறா )
சொட்டுமருந்து, ஒறமருந்துன்னு எதையும் இன்னும் கொடுக்கல.
சாப்பிட வைக்க ஜுனியர் சிங்கர்லேர்ந்து ,அசத்தப்போவது யாருங்கர வரைக்கும் எல்லா சேட்டைகளும் பண்ணியாச்சு அழகா வாய்ல வச்சுகிட்டே சிரிக்கிறா.
நான் வேற என்ன பண்ணி சாப்பிட வைக்கட்டும் ........... சொல்லுங்க

Don't Worry Be Happy.

தளிகா மேடம்! பதில் போட ரொம்ப நாள் ஆகிவிட்டது. உங்க ideas try பண்ணதால என் பையனிடம் கொஞ்சம் changes தெரிகிறது. Injection போடற போட்டோ பார்த்தால் பயப்படுகிறான்.மாறிவிடுவான் என்று நினைக்கிறேன்.Thank you!

are u giving any baby foods like lactogen and others? try changing different flavours. my daughter wont eat same flavour so we used to keep 2 or 3 in stock and give different one daily.

மிக்க நன்றி...உங்கள் பாராட்டு தான் எனக்கு பூஸ்ட் இன்னும் தெரிந்ததெல்லாம் பகிர்ந்து கொள்கிறேன்

ஹாய் ஜெயலக்ஷ்மி

நானும் பார்த்து விட்டேன் பெரும்பாலான பிள்ளைகள் 9 மாதத்தில் தான் சேட்டை செய்ய ஆரம்பிக்கிது...நீங்கள் பொறுத்தே ஆக வேண்டும்...நீங்கள் கவலை படாமல் இருங்க.
நல்ல பசி வந்த பின் கொடுங்க...தூக்கம் வரும் முன்பே கொடுங்க. தாய்ப்பால் குறைக்க தேவையில்லை..மற்ற பால் அதிகம் எடுத்தால் தான் பசி வராது என்பார்கள்..தாய்ப்பாலை பொறுத்தவரை 2 வயது வரை கொடுக்கலாம்.
நீங்கள் சாப்பிடும்பொழுது விரும்பி சாப்பிட்டால் அதையே ஒரு தட்டில் போட்டு கொடுத்து பாருங்களேன்...சில பிள்ளைகள் எடுத்து வாயில் போட முயற்ச்ஹிக்கும் ..சிலது தட்டை கவிழ்த்து பார்க்கும்..எது செய்தாலும் பொறுமையாக பாருங்கள்...சில பிள்ளைகள் தாமாக சாப்பிட விரும்புவார்கள்..
முதலில் அவங்களாகவே சப்பிடும்பொழுது சீக்கிரம் நிறுத்தி விடுவதால் நமக்கு கவலையாக இருக்கும் ...அப்படியே அவங்க போக்கில் விட்டால் மெல்ல அதிகளவில் சாப்பிடவும் பழகுவார்கள்...
என் மகள் உங்கள் குழந்தையை போல சேட்டை செய்ய ஆர்ம்பித்தபொழுது நான் செய்த ஐடியா
ஹை சேரில் உட்கார வைத்து ஒரு தட்டில் தயிரோ சாதமோ போட்டு வைப்பேன்...அதில் கைய்யை போட்டு பிசைந்து விளையாடி வீசியும் சிதறியும் சிந்தியும் போனாலும் வாயை திறந்து விடுவாள்...நான் சாப்பாடை உள்ளே போடுவேன்:-)
அல்லது ஒரு பாத்திரத்தில் தண்ணீர் வைத்து கொடுப்பேன் சலசலவென அதில் அடித்து விளையாடும்பொழுது சாப்பிடுவாள் அவளை அறியாமல்
உஸ்ஸ்ஸ் என்னெல்லாம் செய்ய வேண்டியதா இருக்கு பாருங்க
எது செய்தாலும் நடந்து ஊட்டும் பழக்கத்தையோ அல்லது டிவி பார்த்து சாப்பிடுவதையோ பழக்குவது நல்லதல்ல.

ஹாய் திவ்யா
மாறிடுவார் பாருங்க..கடித்தால் நம் பல் சொத்தையாகும் என்று சொல்லுங்கள்..இரவில் படுக்கும் முன் நல்ல விஷயங்களை சொல்வது நல்ல பலன் தரும்.அப்பொழுது பாதி தூக்க கலக்கத்திலும் கொஞ்சம் நல்ல குணத்துடனும் இருப்பார்கள்..இல்லையென்றால் நாம் சொல்வது காதிலேயே விழுவாது

ஹாய், Karthikvlk மொதல்ல ரொம்ப நன்றி எனக்காக பதில் போட்டதற்கு.

நான் பேபி ஃபுட் எதுவும் இன்னும் கொடுத்துப்பார்க்கல. வீட்டிலேயே ராகி பவுடர் ரெடி பண்ணி கொடுத்துப்பழக்கி இப்போ பருப்பு சாதம், ஃரைட் ரைஷ், சப்பாத்தி ,குப்பூஷ் பால்ல போட்டு கொடுக்கிறேன். உருளைக்கிழங்கு, ஆப்பிள், செவ்வாழை மாத்தி மாத்தி கொடுக்கிறேன். அவளுக்கு நல்லா பசியும் எடுக்குது. மொதல்ல நல்லா டேஷ்ட் பண்ணி சாப்பிடுவா. இப்பதான் பிடிவாதம் பிடிக்கிறா. எதுக்கும் வெரைட்டியா கொடுத்துப்பார்க்கிறேன். உங்கள் யோசனைக்கு நன்றிபா.

Don't Worry Be Happy.

ஹாய் தளிகா, ரொம்ப நன்றி பதில் போட்டதற்கு.
நாங்களும் அப்படித்தான் தட்டுல போட்டு கொடுக்கிறது. அழகா வாயில எடுத்துப்போட்டு சாப்பிடுவா.
நீங்க சொன்னமாதிரி அப்படியே ஊட்டிப்பார்க்கிறேன்.
(அச்சோ! இன்னொன்னு நான் இன்னும் மடியில படுக்கவைச்சே கொடுத்திட்டிருக்கேன். அதமொதல்ல மாத்திடரேன்பா.)

Don't Worry Be Happy.

மன்னிக்கவும் செவ்வாழை இல்லை நேந்திரம். அவசரத்தில் பிழை ஏற்பட்டுள்ளது.

Don't Worry Be Happy.

ஹாய் தளிகா நலமா!
என் பொண்ணுக்கு இப்போ 10 மாதம் நடக்கிறது,போன மாதம் எனக்கு கொஞ்சம் fever இருந்ததால் அவளுக்கு 2 நாள் தாய்பால் குடுக்கவில்லை.அப்புறம் கொடுத்துபார்த்தேன் குடிக்கவே மாட்டேன்கிறாள்,1 1/2 வயது வரை கொடுக்கவேண்டும் என்று ஆசைபட்டேன்.ஆனால் முடியவில்லை. நானும் அப்பப்போ கொடுக்க முற்சிப்பேன் பயனளிக்கவில்லை.இவ்வளவு சீக்கிரம் நிறுத்தினால் அவளுக்கு தேவையான நோய் எதிர்ப்பு சக்தி கிடைக்குமா என்று சொல்லவும்.

sohara rizwana
SMILING IS A GUD MEDICINE 2 ALL

என் பொண்ணுக்கு, 2 வயது ஆகிறது, எனக்கு, அவளுக்கு 7 மாதம்மாகு போதே, பால் இல்லை, அவள் ஒல்லியாகத்தான் இருக்கிறாள், ஆனால் அவள் நல்ல Active, இதனால், எதிர்ப்பு சக்தி குறையுமா?, தயவு செய்து எனக்கு பதில் சொல்லுங்கள்,

நன்றி ஜெயலக்ஷ்மி

ஷாரிஸ் சாதாரண காய்ச்சல் இருமல் சளிக்கெல்லாம் நாம் தாய்ப்பால் நிறுத்த தேவையே இல்லை...அதனால் நம்முடைய நோய் பரவிவிடும் என்ற பயம் சுத்தமாக வேண்டாம்..இன்னும் சொல்லப் போனால் தாய்ப்பாலில் நோயெதிர்ப்புக்கு தேவையான ஆண்டிபாடீஸ் இருப்பதால் அந்த நேரத்தில் கொஞ்சம் அதிகமாக கூட கொடுக்கலாம்...
சிக்கன் பாக்ஸ்,ஐட்ஸ் ,சில சக்தி வாய்ந்த மருந்துகளை உட்கொள்ளும் அதாய்மார்கள் மட்டுமே தாய்ப்பால் கொடுப்பதை நிறுத்த வேண்டும்...தவிற நம்மில் பலரும் சின்ன சின்ன உடலுபாதைகளுக்கெல்லாம் நிறுத்த தேவையே இல்லை.
அல்லது அப்படியே தற்காலிகமாக நிறுத்தும் பர்சத்தில் தாய்ப்பால் குறைந்து போகாமல் இருக்க அடிக்கடி பம்ப் பன்னிக் கொண்டே இருக்க வேண்டும்.
சரி போனது போகட்டும்..அதனால் எதிர்ப்பு சக்தி குறையும் என்று பயப்படாதீர்கள்..சரியா..எத்தனையோ பிள்ளைகள் பிறந்தபொழுதிருந்தே வெறும் ஃபார்முலா குடித்து ஆரோகியமாக வளர்கிறது.சத்தான உணவாக கொடுத்து பழக்கப்படுத்துங்கள்..சுத்தமான பழக்கவழக்கங்களை பழக்குங்கள்..அது போதும்
ஒல்லி குழந்தைகள் தான் ஆரோகியமானவை என்று தான் இன்றைய மட்ருத்துவர்கள் கூறுகிறார்கள்.ஆக்டிவான குழந்தையாக இருந்தால் ரொம்ப நல்லது..எனினும் அந்தந்த வயதுக்கான சரியான எடையோடு இருந்தால் நல்லது.
ஹோமியோ ஃபார்மசிகளில் பாலாடோன்(balatone) என்றும்...அலோபதி ஃபார்மசிகளில் ஹிமாலயாசின் பொணீஈசன் சிரப்பும் கிடைக்கிறது இரண்டில் எதையாவது ஒன்றை தினசரி கொடுத்து வரலாம்..நோய் எதிர்ப்பு சக்தி தரும் எஙிறார்கள்...சரியான அள்வு பழம்,காய்கறி சாப்பிடாத பிள்ளைகளுக்கு மைடிவைடமின் ட்ராப்ஸும் கொடுக்கலாம்.

என்னோட அக்கா பையனுக்கு 8 மாசம் ஆகுது. அவனுக்கு தாய்ப்பாலும், செரலாக் மட்டும் கொடுக்குறாங்க. நீங்க சொல்லியிருக்கும் உணவு முறைகள் எல்லாம் இன்னும் கொடுக்க ஆரம்பிக்கல. இப்போ குழந்தைக்கு கை, முகம், தலையெல்லாம் இரண்டு, மூணு சின்ன கொப்பளம் போல் வந்து வடிஞ்சு காய்ந்து போயிடுது. சிலர் இந்த கொப்பளத்த பார்த்து அக்கி நோய்னு சொல்றாங்க. இதுக்கு வீட்டில் இருக்குற பொருள வைச்சு குணமாகற ஏதாவது மருந்து உங்களுக்கு தெரிந்தால் சொல்லுங்க மேடம்.