"டேய் நாய்கடி மணி இன்னும்வரலையா?"?சக நண்பர்களை பார்த்து நக்கலாக கேட்டான் செல்வா.

இல்லையென்பது போல் தலையசைத்தார்கள் அனைவரும்.

முத்துப்பான்டி அண்ணன் பெட்டிகடைக்கு பக்கத்து வீட்ல ஒரு நாய் உண்டு.நண்பர்கள் அந்த நாய்க்கு வச்சபேர்கள் வங்கு.. சொறி.. எறுவுனி... கழுதவிட்ட.. இப்படி பட்டியல் கொஞ்சம் நீளம்.

தெருவுல போவோர் வருவோரையெல்லாம் பார்த்து தேவையில்லாமா குறைக்கும். மணியும் நண்பர்களும் சேர்ந்து என்னல்லாமோ செஞ்சி பாத்தாச்சி.. ம்ஹூம்.. அது விடுவாதாய் இல்லை.. போனாவாரம் இப்படித்தான் வீட்ல ஆளில்லாத சமயம் பாத்து ஒரு பெரிய கருங்கல்லால் சிவா எறிந்ததில் கண் பிளந்து இப்போதும் சீல் வைத்து காயம் ஆறாமல் அலைகிறது.. ஆனாலும் குறைப்பதை விடுவதாயில்லை.

நேற்றும் மணி அதெற்கென்றே வீட்டு முன்வாசலில் நின்ற பூவரசமரத்தில் ஒரு கம்பு தயாரித்து அதை நாயை கடிக்கசெய்து உடன் வெளியே எடுத்து விளையாடிக்கொண்டிருந்தான்.. அப்படிசெய்யும்போதே நாயின் வாயில் கம்பால் குத்தி புண்ணாக்க வேண்டுமென திட்டம்.

வாயில் வசமாய் குத்தியிருக்க வேண்டும்..திடீரென மணி,நண்பர்கள் எதிர்பாராத வகையில் வலது காலில் ஒரே கடி'லபக்'.

உடன் காலை உதறிவிட்டாலும் கால்வலி பொறுக்காமல் நாயை கெட்டவார்த்தை போட்டு திட்டினான்.

இன்று ஏதும் செய்து நாயை கொன்றுவிட திட்டம். ஆனால் மணி இன்னும் வரவில்லை.

"டேய் யாராச்சும் மணிவீட்ல போய் பாத்துட்டு வாங்கடா"சிவா.

"போடாங்கொயால..ஏற்கனவே அவன் அப்பனுக்கு நம்மல புடிக்காது..பாக்குற எடுத்தில் எல்லாம் முறச்சி முறச்சி பாப்பான்..தேவையா எனக்கு"வாசு.

போன வாரம் ... கடவுள் தாகத்துக்கு தண்ணி கேக்க அணில் இளநீர் கொடுத்துச்சாம்... ஓணான் மோன்டு கொடுத்துச்சாம்.. எவனோ சொன்ன இந்த கதையை கேட்டு உரோரமா இருக்குற பொத்தையடி பாறைல 12 ஓணான கல்லடிச்சி கொன்னு பொதைக்கும்போது பதிலுக்கு மோன்டு புதைதார்கள் மணியும் சக தோழர்களும்..

போன மாசம் ஒரு தடவை கிரிக்கட் விளையாடும் போது மாமிவீட்டு ஜன்னல் கண்னாடி உடந்துபோக "உங்க புள்ளையான்டன செத்த கன்டிச்சி வைக்கப்புடாதா.. புள்ளையாவா தலப்படுதுகள்.. நான் சொல்றத சொல்லிட்டேன் கேட்டேளா" வென வசபாடி போன்னாள் மாமி.

அதகேட்டு அன்னைக்கு மணிக்கு சாமக்கொடைதான் நடந்தது.. தூணில் அம்மணமாய் கெட்டிவைத்து... இடுப்புக்குகீழே வெங்காயம் மிளகா அரச்சி தேய்த்து.. ம்ம்ம்ம்ம்ஹூம்.. அதுக்கும் மசிஞ்ச பாடில்லை.

சிலரிதை பார்த்தால் "என்னப்ப புள்ளைய இப்படி மாடாட்டம் அடிக்குற..ஒரேடியா அடிச்சா மலுங்கிபோய்ருவான்..ஒரு பார்வைல அதட்டி வளக்கத்தெரியலையே என்று வியாக்கியானம் பேசுவார்கள்.

இன்னும்சிலர் "என்னையா புள்ள வளக்குற..பன்னிகுட்டிபெத்துபோட்டமாதுரி எதுக்கு நமக்கு புள்ளைங்க..சொல்லிகேட்கலையா..முட்டுக்குகீழ உரிச்சி..தலகீழா தொங்கவிடுவியா "என ஆவேசப்படுவார்கள்..இதில் யார் சொல்லை கேக்க?

மணி வீட்டில்..

மணிக்கு தூக்கம் வராமல் புரண்டு புரண்டு படுத்தான் காரணம் பக்கத்துவீட்டு கிழவி..

நேத்தும் அடுத்த தெருவுல யாரையோ நாய் கடிச்சி தொப்புள் சுத்தி நாப்பது ஊசி போட்டும் குணமாகலையாம்..

கிராமத்துபாட்டிகள் பொதுவாகவே ஒரு விசயம் கிடைத்தால் போதும்..அதுக்கு எடிட்டிங்..ரீ ரெக்கார்டிங்..ஸ்க்ரிப்ட் எல்லாத்தையும் முடித்துவிடுவார்கள்.. காலைல பத்துமணிக்கு இந்த தெருவுல ஒரு விசயம் கெடச்சா அடுத்த பத்து நிமிசத்துல அந்த ஊருக்கே அது பரவியிருக்கும்.

நாய் கடிச்சதை அம்மாவிடம் எப்படி சொல்வது?சொல்லாமல் போனால் ஏடாகூடமாய் ஏதும் ஆகிவிட்டால்.. மனசுக்குள் புழம்பிக்கொண்டிருந்தான்
மன்சுக்குள் திட்டம் உருவானது...

பெட்டில் மல்லாக்க படுத்து கம்மியகுரலில் விசும்ப ஆரம்பித்தான்..

"என்னடா காலங்காத்தால சாப்புடாம தூங்கிட்டு இருக்க"என கத்திக்கொண்டே வந்த மீனா அப்போதுதான் மணியின் விசும்பலை கவனித்தாள்.

"டேய் மணி என்னடா ஆச்சி?"

அவ்வளோதான் கேட்டதுதான் தாமதம்..திட்டத்தின் ஆரம்பம் வெற்றிகரமாய் முடிந்த சந்தோசத்தை முகத்தில் காட்டிக் கொள்ளாமல் "எம்மே... நேத்..து... முத்..து. பாண்டி.. அண்ண்..ன் கடைக்கு.. போய்ட்ருந்த..ப.. நாய்.. கடிச்..சிடுச்சம்மேமெமே....

வார்த்தை தவணை முறையில் வந்தாலும்'நாய்'என சொல்லும்போது அழுகையை சற்று நீட்டி நல்லாவே நாடகம் ஆடினான்.

"என்னது நாய் கடிச்சுதா? என்னங்க...உங்க புள்ள செஞ்ச காரியத்தை பாத்திங்களா..மணியின் காதுமடலை இழுத்துபிடித்து கரகரவென ராஜேஷ் முன்னால் நிறுத்தினாள்.

"நான் சும்மாதான் போய்ட்ருந்தன்..திடீர்னு கடிச்சிடுச்சிப்பா"

"என்னடா சும்மதான் போன செமந்துகிட்டு போனேனுட்டு.. ஒன்னெல்லாம் பட்டினுபோட்டு கொன்னாதான் உருப்படுவ.. ஏய்.. நாளேலிருந்து இவனுக்கு பச்சத் தண்ணிகூட குடுக்காத.. அப்படி ஏதும் கொடுத்தின்னா உனக்கும் சேத்துதான் வாத்துமானம்(திட்டுதல்) கெடைக்கும் சொல்லிப்புட்டேன் ஆமா..மூஞ்சிய் பாரு கழுதையாட்டம்.. கடிக்கக்கூடாதா எடத்துல கடிச்சா தெரிஞ்சிருக்கும் சேதி.. நமக்குன்னு வந்து வாச்சதா பாரு.. போ..போய் அவனுக்கு முகம் கழுவி சட்டைபோட்டு ரெடி பன்னு டாக்டர்போய் பாத்துட்டு வாறேன்"

"புள்ள செஞ்ச தப்புக்கு தூக்கிபோட்டு நாலுமிதி மிதிக்காம நம்மக்கிட்ட கோவத்த பாரு..ஹூம்" சொல்லியவாறே கோபத்தில் அப்படி செய்தால் கழுத்து சுளுக்கிகொள்ளாத என நினைக்கும்படி கழுத்தை ஒரு வெட்டு வெட்டி மணியின் காதை பிடித்து இழுத்து வெடுக்கென்று இழுக்கவே கீழே விழுந்தவனை மறுபடியும் சட்டைகாலர் பிடித்து பலியாட்டைபோல் பாத்ரூம் கூட்டிச்சென்றாள்.

"அப்பாடா ஒரு வழியா நாய்கடி பிரச்சனை முடிய போவுது..இப்படி நாடகம் ஆடலனா சிவா சொன்ன மாதுறி நாய் விசம் தலைக்கேறி நாய்போல் கத்தி... போரவன் வாரவனெல்லாம் கடிச்சி.. அம்மாடீ.. இந்த நல்ல விசயத்த சாய்ங்காலம் சிவாகிட்ட சொல்லனும்..

இதுக்கெல்லாம் காரணம் அந்த பாழப்போன அந்த வங்குநாய்தானே! இருக்கட்டும் இருக்கட்டும் இந்த வாரம் எப்படியும் அது கதைய சிவா,ராமுகிட்ட சொல்லி முடிச்சாதான் நிம்மதி" மனசுக்குள் சபதம் எடுத்துக்கொண்டான் நாய்கடி மணி.