புடவையில் டிசைன் செய்வதற்கு வேண்டிய பொருட்களை தயாராக எடுத்துக் கொள்ளவும்.

ப்ளைன் புடவையில் நீளத்திற்கேற்ப அதன் அடியில் ஃபால்ஸை வைத்து தைத்து கொள்ளவும். புடவையின் ஒரத்தில் 2 இன்ச் தள்ளி இந்த சம்கி லேஸை வைக்கவும்.

ஊசியில் லைட் பச்சைநிற நூலை கோர்த்து கொண்டு புடவையின் அடிவழியாக சம்கி தைத்த லேஸின் முதல் சம்கியின் நடுவில் உள்ள துளையில் ஊசியை விடவும்.

இப்போது ஊசியை மேல் வழியாக புடவையோடு சேர்த்து அடுத்த சம்கியின் துளையில் விட்டு எடுக்கவும். இதுப்போல் ஒவ்வொரு சம்கியின் துளையிலும் ஊசியால் தைத்து கொண்டு வரவும். இது சம்கி லேஸை கையால் தைக்கும் முறை.

புடவை பார்டர் முழுவதும் இதுப்போல் தைத்து கொண்டு இருப்பது சிரமமானது. சின்ன சின்ன பூ டிசைனின் ஓரங்களில் இந்த முறையை கையாள்லாம்.

உங்களுக்கு தையல் தெரியுமானால் புடவையை மிகவும் சுலபமாக சம்கி லேஸ்ஸால் அலங்கரித்து விடலாம். ஃபால்ஸ் தைத்த புடவையின் ஒரத்தில் 2 இன்ச் தள்ளி இந்த சம்கி லேஸை வைத்து தையல் மிஷினில் அப்படியே தைத்து கொண்டே வர வேண்டும். புடவையின் நடுவில் சம்கி லேஸால் டிசைன் செய்ய வேண்டுமெனில் டிசைனின் வடிவத்திற்கேற்ப லேஸை வளைத்து அப்படியே தைத்து கொள்ளவும்.

இந்த புடவையில் ஒரத்தில் சம்கி லேஸ் வைத்து தைத்து, க்ரீன் கலர் ஸ்டோன் ஒட்டி டிசைன் செய்யப்பட்டுள்ளது. இப்போது உள்ள சுடிதார், புடவை, சிறுமிகளின் ஆடை என்று அனைத்திலும் இந்த சம்கி வேலைப்பாடுகள் செய்த துணிகள்தான் பெரும்பாலும் கிடைக்கிறது. பல நிறங்களிலும் இந்த சம்கி தைத்த லேஸ் கிடைக்கும்.