பரங்கிக்காய் புளிக்குழம்பு

தேதி: May 9, 2006

பரிமாறும் அளவு: ஆறு நபர்களுக்கு

ஆயத்த நேரம்: 10 நிமிடங்கள்

சமைக்கும் நேரம்: 30 நிமிடங்கள்

மொத்த நேரம்: 40 நிமிடங்கள்

No votes yet

 

பரங்கிக்காய் - ஒரு துண்டு
சி. வெங்காயம் - இருபது
பூண்டு - இருபது பல்
தக்காளி - மூன்று
புளி - ஒரு எலுமிச்சம்பழம் அளவு
மஞ்சள் பொடி - ஒரு டீ ஸ்பூன்
எண்ணை - ஐந்து டேபிள் ஸ்பூன்
கடுகு & உளுந்து - ஒரு டேபிள் ஸ்பூன்
வெந்தயம் - அரை டீ ஸ்பூன்
சோம்பு - அரை டீ ஸ்பூன்
கறிவேப்பிலை - இரண்டு கொத்து
உப்பு - ஒன்றரை டேபிள் ஸ்பூன்
வெல்லம் - சிறிய துண்டு
அரைக்க:
வர மிளகாய் - இருபது
மல்லி - இரண்டு டேபிள் ஸ்பூன்


 

புளியை ஊஊற வைத்து கரைத்துக் கொள்ளவும்.
பரங்கிக்காயை சிறிய துண்டுகளாக நறுக்கிக் கொள்ளவும். தோல் நீக்க வேன்டாம்.
வெங்காயம் பூண்டை உரித்து வைத்துக் கொள்ளவும்.
தக்காளியை பொடியாக நறுக்கிக் கொள்ளவும்.
வர மிளகாய், மல்லியை வறுத்து விழுதாக அரைத்து ஒரு டம்ளர் தண்ணிரில் கரைத்துக் கொள்ளவும்.
அடுப்பில் கடாயை வைத்து எண்ணை முழுதும் ஊற்றி கடுகு, உளுந்து, வெந்தயம், சோம்பு போட்டு வெடித்ததும் வெங்காயம், பூண்டு, கறிவேப்பிலை போட்டு வதக்கவும்.
மூன்று நிமிடம் கழித்து பரங்கிக்காய் துண்டுகள்,தக்காளி, மஞ்சள் பொடி, உப்பு சேர்த்து ஐந்து நிமிடம் வதக்கவும்.
பிறகு புளிக் கரைசலையும், அரைத்த மசாலா கரைசலையும் ஊற்றி கெட்டியாகும் வரை கொதிக்க வைக்கவும்.
நன்கு கெட்டியானதும் வெல்லம் சேர்த்து இரண்டு நிமிடம் கொதிக்க வைத்து இறக்கவும்.


மேலும் சில குறிப்புகள்