கத்தரிக்காய் ரசவாங்கி

தேதி: May 16, 2006

பரிமாறும் அளவு: ஆறு நபர்களுக்கு

ஆயத்த நேரம்: 10 நிமிடங்கள்

சமைக்கும் நேரம்: 30 நிமிடங்கள்

மொத்த நேரம்: 40 நிமிடங்கள்

1
Average: 1 (1 vote)

 

பிஞ்சு கத்தரிக்காய் - கால் கிலோ
சி.வெங்காயம் - பதினைந்து
தக்காளி - இரண்டு
புளி - ஒரு எலுமிச்சையளவு
மல்லித் தூள் - ஒரு டீ ஸ்பூன்
மிளகாய் தூள் - ஒரு டீ ஸ்பூன்
மஞ்சள் பொடி - ஒரு டீ ஸ்பூன்
எண்ணை - மூன்று டேபிள் ஸ்பூன்
கடுகு - ஒரு டீ ஸ்பூன்
வெந்தயம் - ஒரு டீ ஸ்பூன்
கறிவேப்பிலை - இரண்டு கொத்து
உப்பு - ஒன்றரை டீ ஸ்பூன்
வறுத்துப் பொடிக்க:
வர மிளகாய் - ஐந்து
மல்லி - ஒரு டீ ஸ்பூன்
சீரகம் - ஒரு டீ ஸ்பூன்
மிளகு - அரை டீ ஸ்பூன்
கடலை பருப்பு - ஒரு டேபிள் ஸ்பூன்
து. பருப்பு - ஒரு டேபிள் ஸ்பூன்
தேங்காய் துருவல் - மூன்று டேபிள் ஸ்பூன்
உப்பு - அரை ஸ்பூன்


 

முதலில் பொடிக்க வைத்துள்ள பொருள்களை வாசனை வர வறுத்து கொர கொரப்பாக பொடிக்கவும். (தேங்காயிலுள்ள ஈரம் போக வறுக்க வேண்டும்.)
கத்தரிக்காய்களை தனித் தனி துண்டாகி விடாமல் நான்காக பிளக்கவும். (காம்பு பகுதியை விட்டு அடிப் பகுதியில் நறுக்க வேண்டும்)
கத்தரிக் காய்களை லேசாக பிளந்து பொடித்த பொடியை வைத்து அடைத்து அரை மணி நேரம் ஊற விடவும்.
வெங்காயம், தக்காளியை சற்று பெரிய துண்டுகளாக நறுக்கி வைக்கவும்.
மூன்று டம்ளர் தண்ணிரில் புளியை கரைத்து வடிகட்டி, அதில் மல்லிப் பொடி, மிளகாய் பொடி, மஞ்சள் பொடி, உப்பு, தக்காளி எல்லாம் போட்டு பிசைந்து வைக்கவும்.
அடுப்பில் வானலியை வைத்து இரண்டு ஸ்பூன் எண்ணை ஊற்றி வெந்தயத்தை போட்டு வெடிக்க விடவும்.
வெங்காயம் போட்டு வாசனை வர வதக்கவும்.
கத்தரிக்காய்களைப் போட்டு மெதுவக பிரட்டவும். ஐந்து நிமிடம் கழித்து கரைத்து வைத்துள்ள புளிக் கரைசலை ஊற்றி பத்து நிமிடம் கொதிக்க வைக்கவும்.
பிறகு இறக்கி மீதமுள்ள எண்ணையில் கடுகு, கறிவேப்பிலை தாளித்து கொட்டி மூடி வைக்கவும்.


மேலும் சில குறிப்புகள்