பவுண்ட் கேக் சமையல் குறிப்பு - 19116 | அறுசுவை


பவுண்ட் கேக்

food image
வழங்கியவர் : Ms. Moorthy, USA
தேதி : வியாழன், 19/05/2011 - 11:55
ஆயத்த நேரம் :
சமைக்கும் நேரம் :
பரிமாறும் அளவு :

 

  • வெண்ணை - 225 g
  • பொடித்த சர்க்கரை - 2 கப்
  • முட்டை - 3
  • மைதா மாவு - 1 2/3 கப்
  • வெண்ணிலா அல்லது எலுமிச்சை எக்ஸ்ட்ராக்ட் - 1 tsp

 

  • மிக்சி அல்லது ப்லேன்டரில் போட்டு வெண்ணை மற்றும் சர்க்கரையை ஐந்து நிமிடம் சுற்ற வேண்டும்.
  • பிறகு ஒரு முட்டை மற்றும் சிறிதளவு மாவு (சுமார் ஒரு கைபுடி மாவு) இரண்டு நிமிடம் சுற்றவும்.
  • இரண்டாவது முட்டை மற்றும் பாதி மாவு சேர்த்து இரண்டு நிமிடம் சுற்றவும்.
  • மீதமுள்ள முட்டை, எக்ஸ்ட்ராக்ட் மற்றும் மாவை சேர்த்து இரண்டு நிமிடம் சுற்றவும்.
  • ஓவனை 325 F டிகிரி முற்சூடு செய்யவும்.
  • பேக் செய்யும் பாத்திரத்தில் பேகிங் ஸ்ப்ரே அடித்து வைக்கவும் இல்லையென்றால் பார்ச்மென்ட் பேப்பர் போடவும். அதுவும் இல்லையென்றால் அதில் வெண்ணை தடவி சிறிதளவு மாவை எல்லா இடத்திலும் படுமாறு தூவி பாத்திரதுள்ள அதிகமான மாவை தட்டி விடவும்.
  • கலவையை இதில் கொட்டி 65 நிமிடம் பேக் செய்யவும். அல்லது நீங்கள் ஒரு சிறு பல் குத்தும் குச்சியை தண்ணீரில் நனைத்து கேக் நடுவில் குத்தி பார்த்தால் ஓட்டக் கூடாது. அது தான் பதம் அப்பொழுது எடுத்து விட வேண்டும்.
  • 30 நிமிடம் கழித்து துண்டுகள் போடவும்.
  • சுவையான பவுண்ட் கேக் ரெடி.
  • இதை நீங்கள் அரை இன்ச் துண்டுகளாக வெட்டி பிரீசரில் வைத்து ஆறு மாதம் வரை கூட உபயோகப் படுத்தலாம்.